ଲାଇବ୍ରେରୀ
ପ୍ରୋଫାଇଲ୍
ନାରୀ
ନାରୀ
1 min
130
ନିଜର ସୁଖକୁ
ଆତ୍ମହୂତି ଦେଇ
ଖୁସିକୁ ହସି ହସି ତ୍ୟାଗକରି
ପର ପାଇଁ ଜିଇଁ
ପୁଣି ପର ପାଇଁ ମରି
ସଭିଙ୍କୁ ଆଦର କରି
ଲଗାଇ ତା ସେନେହ ମମତା ଡୋରି
ସିଏ ଆଉ କେହି ନୁହଁ
ସିଏ ଅଟେ ପରା ନାରୀ
କୁନି ଝିଅ ହୋଇ
ଘରକୁ ଆସେ
ଖିଲି ଖିଲି ହସି
ମନ ହରଷେ
ଖୁସିରେ ଜୁଆର ଆସେ ସଂସାରେ
ମିଠା କଥା କହି ସଭିଙ୍କୁ ନିଜର କରେ
ସୁନା ଭଉଣୀ ସେ
ମମତା ରାଣୀ
ଭାଇ ପାଇଁ ରହେ
ଉପାସେ ପୁଣି
ମଙ୍ଗଳ ମନାସେ ତା ଭାଇ ପାଇଁ
ଭାଇ ଜିଉଁତିଆ କରେ ନିର୍ଜଳା ରହି
ବାହା ହୋଇ ସାଜେ
ସୁନା ଘରଣୀ
ମମତାରେ ନିଏ
ସଭିଙ୍କ ମନକୁ କିଣି
ଦେବତା ମାନଇ ସ୍ୱାମୀକୁ ତାର
ହସାଏ ସଭିଙ୍କୁ କରି ନିଜର
ଦଶ ମାସ ଦଶ ଦିନକୁ ସହି
ଶୁଭ ଲଗନରେ ମାଆ ହୁଅଇ
ତା ଛୁଆ ତା ପାଇଁ ସରଗତାରା
ତା ସୁଖ ଶଙ୍ଖାଲି ଦୁଃଖ ପାସୋରା
ପୁଅ ବାହା କରେ ବଧୂଟେ ଆଣି
ବୋହୁକୁ ନିଜର ଝିଅଟେ ମାନି
କେତେ ପୁଣ୍ୟ ବଳେ ନାତିନାତୁଣୀ ପାଏ
ମନପକ୍ଷୀ ତାର ଗୀତଟେ ଗାଏ
ଏ ସବୁ ତ ଅଟେ ନାରୀର କଥା
ଇଚ୍ଛାହୁଏ ତାକୁ କରନ୍ତି ପୂଜା
ନାରୀ ନୁହେଁ ସିଏ ଜଗତମାତା
କେମିତି ଗଢିଲା ସେ ଭାଗ୍ୟ ବିଧାତା
