ସିଧା କଥା
ସିଧା କଥା
ସିଧା କଥା ସବୁ କହୁଛି ବାବୁରେ
ମନ
କର୍ଣ୍ଣ ଦେଇ ଶୁଣିବୁ
ବିପଦେ ଆପଦେ
କାମରେ ଆସିବ
ମୋ
କଥାକୁ ମନେ ରଖିବୁ l
ସ୍ୱାର୍ଥ ପାଇଁ ଯଦି
ସ୍ୱାର୍ଥପର ହୋଇ
ନିଜ ଲୋକ ପର କରିବୁ
ଅସମୟେ ତୋର
ବୁଡ଼ିଯିବ ବେଳା
ସର୍ବହରା ହୋଇ ମରିବୁ l
ଅସତ୍ୟ ଅନ୍ୟାୟ
ଅନୀତିରେ ଗଲେ
କ୍ଷଣ ପାଇଁ ସିନା ସୁଖ ପାଇବୁ
ଅଦିନେ ଚଡ଼କ
ପଡ଼ିବ ଜୀବନେ
ବାହୁନି ବାହୁନି କାନ୍ଦିବୁ l
ଦୁଃଖୀ ଦରିଦ୍ରକୁ
ଦୟା ଭାବ ରଖି
ଦାନା ମୁଠେ କନା ଖଣ୍ଡେ ତୁ ଦେବୁ
ସୁଖରେ ଶାନ୍ତିରେ
ତୋ ଦିନ କଟିବ
ମଲା ପରେ ଯାଇ ସ୍ୱର୍ଗକୁ ଯିବୁ l