ପ୍ରେମିକ
ପ୍ରେମିକ
ତୋ ହଳଦୀ ମଖା ମୁହଁ
ଦେଖିଲି ବୋଲି ତ
ସାଜିଲି ପ୍ରେମିକ
ତୋ ଅଜାଣତରେ
ଆଉ ହଜାଇଲି ବି ନିଜକୁ ତୋ ନାଲି ଓଠ ଧାରେ
ନୀଳ ଆଖିରେ ତୋ ଦେଖିଲି ସାତ ସାଗର
ଆଉ,
ମିଠା କଥାରେ ତୋର ପୂର୍ଣ୍ଣ ହେଲା ଜୀବନ ମୋର
ଚାହିଁ ବି ନ ଚାହିଁବାର ଅଭିନୟ
ଆଉ କେତେଦିନ ବା ତିଷ୍ଠି ଥାଆନ୍ତା?
ହୃଦୟର ସ୍ପନ୍ଦନ ବି ତ ଥମିବା ଆରମ୍ଭ କରିଦେଇ ଥିଲା
ଆଉ ମନପକ୍ଷୀ
ଉଦାସେ ଗୀତ ଗାଇବା ବି ଦେଇଥିଲା ପାସୋରି
ସେଥିପାଇଁ ତ
କହିଲି ସବୁକଥା ତୋତେ ସବୁ ଖୋଲାଖୋଲି କରି ।
ହେଲେ ତୁ ସାଜିଲୁ
ମୋ ପରାଣ ବାଉରୀ
ବିନାଦୋଷେ ନିରୀହ ପ୍ରେମକୁ କଲୁ ହତ୍ୟା
ନ ବୁଝି ଏ ପାଗଳ ପ୍ରେମିକର ବ୍ୟଥା ।
ଜାଣିଛି
ହଁ, ପ୍ରେମର ଅର୍ଥ ନୁହେଁ
ଖାଲି ବିବାହ
ପ୍ରେମ ତ ଚିରନ୍ତନ, ଶାଶ୍ୱତ ।