Library
ନାରୀ ଶକ୍ତି ସ୍ବରୂପିଣୀ
ନାରୀ ଶକ୍ତି ସ୍ବରୂପିଣୀ
ଅସମ୍ଭବ କରେ ସମ୍ଭବ ବିଶ୍ବରେ
ନାରୀ ଶକ୍ତି ସ୍ବରୂପିଣୀ
ନିଷ୍ଠା ପରାକାଷ୍ଠା ଅନ୍ତର୍ଗତେ ଯାର
ଧର୍ଯ୍ୟ ତ୍ୟାଗ ବିଭୂଷିଣୀ ।
ସୁଗୁଣ ସମ୍ପୂର୍ଣ୍ଣ ଯଶ ଆଭୂଷଣ
କୀର୍ତ୍ତି ରଖିଛନ୍ତି ମର୍ତ୍ତ୍ୟେ
ଶିକ୍ଷାର ଜ୍ୟୋତି କୁ ଜାଳି ଦେଇ ଛନ୍ତି
ସାବିତ୍ରୀ ବାଈଯେ ହିତେ ।
ଶିକ୍ଷାରୁ ବଞ୍ଚିତ ନାରୀଙ୍କର ଥିଲା
ଥିଲା ରୂଢିବାଦୀ ନୀତି
ବାଲ୍ୟ ବିଭା ଥିଲା ଥିଲା ଜାତି ଭେଦ
କରିଲେ ଦୂର ଦୁର୍ନୀତି ।
ପ୍ରଥମ ମହିଳା ଶିକ୍ଷକ ରାଷ୍ଟ୍ରର
ସ୍ମୃତି ଯାର ଗୁଞ୍ଜୁ ଅଛି
ନାରୀ ଶକ୍ତି ନିଷ୍ଠା ଅବର୍ଣ୍ଣନୀୟ ହେ
ଗର୍ବିତ ବିଶ୍ବେ କରୁଛି ।
ଜନନୀ ଭଗିନୀ ଜାୟା ରୂପ ଧରି
ଧରଣୀରେ ଆବିର୍ଭାବ
କର୍ତ୍ତବ୍ୟ ପଥରୁ ନାହିଁ ବିଚଳିତ
ରଖେ ସ୍ନେହ ଶ୍ରଦ୍ଧା ଭାବ ।
ସଂଘର୍ଷର ବଳୁ ଦେଖ ଆଜି ରାଷ୍ଟ୍ରେ
ମହିଳା ଯେ ରାଷ୍ଟ୍ରପତି
ଦ୍ରୌପଦୀ ନାମରେ ବାନା ଉଡୁ ଅଛି
ଏହିତ ରାଷ୍ଟ୍ରର କୀର୍ତ୍ତି ।
ଇତିହାସ ପୃଷ୍ଠା ଦିଏ ଟି ସଂକେତ
ନାରୀ ଯହୁଁ ଶକ୍ତି ରୂପା
ନୂଆ ଭାରତର ଅମୃତ କାଳରେ
ଅର୍ଥମନ୍ତ୍ରୀ ଯେ ସ୍ବରୂପା ।
ନାମ ଯେ ନିର୍ମଲା ଚରିତ୍ର ନିର୍ମଳ
ଅର୍ଥ ତନ୍ତ୍ର ତାଙ୍କ ହସ୍ତେ
କର୍ତ୍ତବ୍ୟେ ଭୂଷିତ ନାରୀ ଜ୍ଞାନ ରୂପା
ଗୁଞ୍ଜୁଛି ନାମ ଗର୍ବିତେ ।
ପ୍ରେରଣାର ସ୍ରୋତ ରାଷ୍ଟ୍ର ଯୁବତୀଙ୍କ
ଆଗୁଆ ସର୍ବଦା ନାରୀ
ଅପରାଜିତାର ସୁଗନ୍ଧ ସିଞ୍ଚନ୍ତି
କର୍ତ୍ତବ୍ୟ ଅସ୍ତ୍ରକୁ ଧରି ।
ଟୋପାଏ ସିନ୍ଦୂର ଦି'ପଟ ଶଙ୍ଖାରେ
ଦେଇ ସ୍ନେହ ଶ୍ରଦ୍ଧା ପ୍ରୀତି
ସତ୍ୟଧର୍ମ ତ୍ୟାଗ କର୍ମକ୍ଷେତ୍ରେ ଲୟ
ପୂଜାରିଣୀ ପୁନ୍ୟବତୀ ।
ଗୃହେ ଗୃହଲକ୍ଷ୍ମୀ ରାଷ୍ଟ୍ରେ ଶକ୍ତିରୂପା
ନାରୀ ଯେ କରୁଣାମୟୀ
ପ୍ରୀତି ଫଗୁଣର ସୁଶୀତଳ ଜ୍ୟୋସ୍ନା
ମହିଳା ମମତାମୟୀ ।
ଛାର ଏ ଅଧମ ବର୍ଣ୍ଣିବ କି ପରି
ଭାଷା ଆଉ ମିଳୁ ନାହିଁ
ସର୍ବୋପରି ଯାର ମହିମା ବ୍ରହ୍ମାଣ୍ଡେ
ତାର ପରି କିଏ କାହିଁ ।
