ନାହିଁ ଲୋଡା ଏବେ ନୀରବତା

ଗଢ଼ିବାର ନିଶା ଆଗକୁ ବଢାଏ

ପରଦ୍ୱେଷ ନିଶା ତ ଉଜାଡି ଦିଏ ।

ଗଢ଼ିବାର ନିଶାରେ ମିଳେ ସୁଫଳ

ହିଂସା, ଦ୍ବେଷ, ନିଶା ହୁଅଇ କାଳ ।

ଦେଶଭକ୍ତର ସିନା ଜୀବନ ଚାଲିଯାଏ

ସବୁଦିନ ପାଇଁ ସିଏ ଆମ ମନେ ରୁହେ ।

ଧନ ପାଇବାର ନିଶା ଅନ୍ଧ କରାଏ

ସେ ନିଶାରେ ମଣିଷ ବିପଥଗାମୀ ହୁଏ ।

ଦେଶରେ ଟାଉଟର ନେତାଙ୍କ,

ଦେଖ ଦେଖାନ୍ତି ଭାଉ ଅନେକ ।

ନିଜର ସ୍ଵାର୍ଥରେ ଗତି ତାଙ୍କର 

ଲାଞ୍ଚ ମିଛେ କରନ୍ତି ରୋଜଗାର ।

ଖାଇ ଖାଇ କି ବୋଲାନ୍ତି ଦାତା 

ଦେଶ ପାଇଁ ନାହିଁ ଟିକେ ମମତା ।

ରହେ ଈର୍ଷାମୟ ରାଜନୀତିରେ ,

ଦ୍ଵେଷ ସୃଷ୍ଟି କରନ୍ତି ସମାଜରେ ।

ଭୋଟର ମାନଙ୍କୁ ସମ୍ମାନ ନାହିଁ 

ମଣିଷ ପ୍ରତି ଟିକେ ଭକତି ନାହିଁ ।

ଦେଶେ କେମିତି ଆସିବ ଏକତା

ଭାବିଲେ ସବୁ ଭେଦଭାବ କଥା ।

ନାହିଁ ଯେବେ ଗାଁ ଦେଶର ମୋହ

ଆଣଇ ହୃଦୟ ଭିତରେ କୋହ ।

ଲାଗୁନି ତୁମ ମନେ ଭଉଣୀ ଭାଇ

ଅବସାଦରେ ମନେ ବ୍ୟଥା ଦିଅଇ ।

୨୦୨୨ର ସ୍ମୃତିକୁ ଭୁଲି ନୂଆ ବରଷ ରହୁ

ପ୍ରେମର ନିଆରା ଭାବ ଆମର ହେଉ ।

ପଢା ନିଶାକୁ ଜଗା ମନ ମଧ୍ୟର

ଦେଶ ସମାଜ ସେବାକୁ ଦୃଢ କର ।

ନାହିଁ ଲୋଡା ଏବେ ତୁମ ନୀରବତା

ବୈପ୍ଳବିକ ନିଶାକୁ କରିବା ସାଇତା ।