ମୁଣ୍ଡେ ହାତ ଦେଇ ବସିଛି କୃଷକ

ଆଷାଢ଼ ଏ ମାସ ଚାଷକାର୍ଯ୍ୟ ପାଇଁ

    ବର୍ଷା ନାହିଁ ଚାଷ ହୋଇବ କିପରି ଯେ

ତପ୍ତ ସୂର୍ଯ୍ୟ ତେଜ ଟୁପୁରୁ ଯେ ବର୍ଷା 

    ହୁଅନ୍ତି ଚାଷୀଭାଇ ହତୋତ୍ସାହିତ ଯେ ।

ମୁଣ୍ଡେ ହାତ ଦେଇ ବସିଛି କୃଷକ

    ସିଞ୍ଚାଇ ସୁବିଧା ହୋଇନି ଏଠି  ଯେ

ଇନ୍ଦ୍ର ବୃଷ୍ଟି କଲେ ଫସଲ ହୋଇବ

    ଚାହିଁ ରହି ଅଛି ଚାଷୀ ଆକାଶକୁ ଯେ ।

ରଥଯାତ୍ରା ପୁଣି ଜଗନ୍ନାଥଙ୍କର

   ସୁଖିଲା  ପଡ଼ିଛି ଟି  ବିଚ୍ଛିନ୍ନାଞ୍ଚଳ  ଯେ

ଗୁହାରି କରିବ କାହାକୁ କୃଷକ

  ତା କଥା ଶୁଣିବ ଟି କେଉଁ ସେ ନେତା ଯେ ।

ମନେ ଇଚ୍ଛା ଥିଲା କୁଜୁ ଡ୍ୟାମ୍ ହେବ

    ଚାଷ କାର୍ଯ୍ୟ ପାଇଁ ସିଞ୍ଚାଇ ସୁବିଧା ଯେ

ଭ୍ରଷ୍ଟାଚାରୀ ଯୋଗୁଁ ନ ହେଲା ସମ୍ପନ

    ନେତାକଲେ ତହିଁ ବନ୍ଧୁ ଖୁରାପାତ ଯେ ।

ବିହାର ରାଜ୍ୟରେ ଶୁଭାରମ୍ଭ ଯାର

   କାହିଁ ତା ଶାସନେ କରିଛି ସେ ପୁରା ଯେ

ହେଲା ଝାଡ଼ଖଣ୍ଡ ଧ୍ୟାନ ନାହିଁ କାର

    କାର ନାହିଁ ଧ୍ୟାନ କୃ ଷ କ ଙ୍କ ପାଇଁ ଯେ ।

ବର୍ଷା ହେଲେ ଚାଷ କରିବ କୃଷକ

    ଅମୃତ କାଳର ନୂଆ ଭା ର ତ ର ଯେ

ଲଜ୍ୟା ଲାଗେ ଦେଖି ଶାସନ ବ୍ୟବସ୍ଥା

    ନିଜ ସ୍ବାର୍ଥ ପାଇଁ ଏଠି ରାଜନୀତି ଯେ ।

ରାଜ୍ୟ ସରକାର ନକରେ ଟି ଚିନ୍ତା 

     ସିଞ୍ଚାଇ ବ୍ୟବସ୍ଥା କୃଷକଙ୍କ ପାଇଁ ଯେ

ନ ହେଲେ କୃଷକ ଆତ୍ମନିର୍ଭର ଟି

     ରାଜ୍ୟରବିକାଶ ମାତ୍ର ହିଁ କଳ୍ପନା ଯେ ।

ଷଢେ଼ଇକଳା ଖରସୁଆଁ ଏ ଜିଲ୍ଲା

    ଚାଷୀ ପାଇଁ ହେଉ ସିଞ୍ଚାଇ ବ୍ୟବସ୍ଥା ଯେ

ତୁମେ ରାଜନେତ କର୍ତ୍ତବ୍ୟ ଟି ତୁମ

    ଉନ୍ନତିର ପାଇଁ କୃଷକଙ୍କ ଧ୍ୟାନ ଯେ  ।