ମୁନି କଣ୍ଢେଇର ବାହାଘର

ମୁନାମୁନି ବସି କଲେ ବିଚାର

କରିବେ କଣ୍ଢେଇର ବାହାଘର

ହାତୀ ତା ଶୁଣ୍ଢରେ ଆଣିବ ଫୁଲ

ଷଣ୍ଢ ବଜାଇବ ମହୁରୀ ଢୋଲ

ମେଣ୍ଢା ମାଉଁସତ ହୋଇବ ଭୋଜି

ଶୁଭ ଲଗ୍ନ କହେ ନାହାକ ପାଞ୍ଜି

ପିଆଜ ଷଣ୍ଢା ରେ ସଜାଇ ବେଦୀ

ବଣିଆ ଗଢିଛି ରତନ ମୁଦି

ହୁଳହୁଳି ଦେଲେ କାଉ କୋଇଲି

କୁଣ୍ଢା କୁଣ୍ଢି ହେଲେ ବରଯାତିରି

କେତେ ମଜା କରି ଖାଇଲେ ଭୋଜି

ଶୁଣ୍ଢୀଆଣୀ ହାତେ ମେହେନ୍ଦି ରଞ୍ଜି

ପରଦାରେ ଚିତ୍ର କୃଷ୍ଣଙ୍କ ଲୀଳା

ଷଣ୍ଢା ଶକଟାଙ୍କ ବଧ ହୋଇଲା

ଦେଖି ବରଯାତ୍ରୀ ହୋଇଲେ ଖୁସି

ଯାନି ଯଉତୁକ ଗାଡ଼ିରେ ରଖି

ଦେଖି କି ସଭିଏଁ ବାହାବା କଲେ

ମୁନା ମୁନି ହସି ଘରକୁ ଗଲେ

କଣ୍ଢେଇ ଖେଳ ତ ହୋଇଲା ଶେଷ

ପିଲାଏ ନାଚିଲେ ହୋଇ ହରଷ ।