ଲାଇବ୍ରେରୀ
ପ୍ରୋଫାଇଲ୍
ଅପରାଜିତା
ଅପରାଜିତା
ସୃଷ୍ଟିକର୍ତ୍ତାଙ୍କ ଅନବଦ୍ୟ ସୃଷ୍ଟି ନାରୀ
ଦେଖି ରୂପବିନ୍ୟାସ ସ୍ରଷ୍ଟା ବି ଅଭିଭୂତ
ରିପୁହୀନ ବୋଲି ନାମ ଦେଲେ ନାରୀ
ସେ ହେଲା ସୃଷ୍ଟିକାରିଣୀ
ଧରାରାଣୀ ପରି ସର୍ବଂସହା
ମମତାମୟୀ ସେନେହମୟୀ ଅମୃତମୟୀ
ସେବା ଧର୍ମର ମୂର୍ତ୍ତିମନ୍ତ ପ୍ରତୀକ
ତଥାପି ସେ ହୀନମାନ୍ୟତାର ଶୀକାର ଯୁଗେ ଯୁଗେ
ସଦା ନିର୍ଯ୍ୟାତିତା ପୁରୁଷ ପ୍ରାଧାନ୍ୟ ସମାଜେ
ଅହରହ ନିଷ୍ପେସିତା ଦୁଃଖ ଯାତନାରେ
ହେଲେ ଧୈର୍ଯ୍ୟର ପାହାଡ଼ ବକ୍ଷରେ ଧରି
ଆଗେଇଚାଲେ ସେ ଗନ୍ତବ୍ୟ ପଥରେ
ସେଥିପାଇଁ ସେ ଆଜି ଦୁର୍ବଳା ନୁହେଁ ସବଳା
ପ୍ରତି କ୍ଷେତ୍ରେ ଠିଆ ରାଜଦାଣ୍ଡେ
ଉତ୍ସର୍ଗୀକୃତ ସମାଜ ସେବାରେ
ଆକାଶରେ ଉଡି ସାଗରରେ ବୁଡି
ପ୍ରତିରକ୍ଷାବାହିନୀରେ ସ୍ଥିତି ଦୃଢ଼ କରି
ଧର୍ମ ଶିକ୍ଷା ସ୍ୱାସ୍ଥ୍ୟ
ଅନ୍ତରିକ୍ଷେ ପାଦ ଥାପିଦିଏ
କାନ୍ଧେ କାନ୍ଧ ମିଳାଇ ପୁରୁଷର ସାଥେ
ଗୋଟିଏ ମୁଦ୍ରାରେ ଦୁଇ ପାର୍ଶ୍ଵ ପରି
ନିଜ ଗୋଡ଼େ ଠିଆ ନିଜେ ପ୍ରତିଟି କ୍ଷେତ୍ରରେ
ଜନନୀ ଭଗିନୀ ଜାୟା ରୂପେ ଥାଇ
ଆଜି ସେ ଅପରାଜିତା ରୂପ ନିଏ
ପୁରୁଷଠାରୁ କେଉଁ ଗୁଣେ
ଊଣା ନୁହେଁ ପ୍ରମାଣ ଦିଏ ତ
ତା ପାଇଁ ନୁହେଁ ଏକ ଦିବସ
ପ୍ରତି ମୁହୂର୍ତ୍ତରେ ତାର ବନ୍ଦନା
ଗାଇବାକୁ ହୁଏ |
