ମୁଁ କର୍ମ ବୀର , ବାକ୍ୟ ବୀରନୁହେଁ

କାମ କରିବାରେ ମୋର ଅଧିକାର

ତେଣୁ ମୁଁହି କର୍ମ ବୀର

କହେ ନାହିଁ କଥା , କାମ କରି ଚାଲେ

ତେଣୁ ମୁଁହି କର୍ମ ବୀର ।

ସବୁକୁ ସମାନ ଗୁରୁତ୍ଵ ଦିଅଇ

ନିନ୍ଦା , ଅପବାଦ ହାନୀ

 ପ୍ରଶଂସା ପ୍ରେରଣା ଲାଭ ଚାହେଁ ନାହିଁ ,

ଚାହେଁ , କିନ୍ତୁ ମନ ମାନି ।

ପ୍ରେରଣା ପାଇଣ ଚାଲେ ଧୀରେ କ୍ରମେ

କରି ନିତି ଅଗ୍ର ଗତି

 ଆଗକୁ ଆଗକୁ ବଢ଼ିବାରେ ଖୁସି

ଲାଗେ କେତେ ନିତି ନିତି ।

ଅଭିନବ ବିଭା ଭାର ଭରା ମନ

ପ୍ରଶଂସାର ଲାଳ।

ଇତନ ହୁଅଇ କେବେ କର୍ମ କରି ଚାଲେ

ଚଳି ଜୀବନେ ପବିତ୍ର ।

ଉତ୍ସାହ ଶକତି ପ୍ରେରଣା ସାହସ

ଧରି କର୍ମ କରି ଚାଲେ

ବାକ୍ୟ ବୀର ପରି ବିଚଳିତ ନୁହେଁ

ମୁହିଁ , କାହିଁ କେବେ ହେଲେ ।

ସ୍ୱାଭିମାନ ପାଇଁ ସଦା ଲଢ଼ୁଥାଇ 

ଜୀବନ ରେ ଅହ ରହ 

ଯାହା ବି କହଇ ତାହା ମୁଁ କରଇ

କର୍ମ ରେ ମୋର ଆଗ୍ରହ ।

କଥା କହି ଠକି ଭଣ୍ଡାଇ ଜୀବନ

ଯିଏ ନିତି ଜୀଉଁ ଛନ୍ତି

ଅଯଥା ଆକ୍ରଶ ପ୍ରକାଶିତ କରି

ଲାଭ ସେ ଉଠାଇ ଥାନ୍ତି ।

କରମ ରେ ତାଙ୍କ ନ ଥାଏ ଆଗ୍ରହ

ସ୍ବାର୍ଥ ରେ ନିରତ ଧ୍ୟାନ

ବାକ୍ୟ ବୀର ପରି , କରେ ନାହିଁ କେବେ

ବୃଥା ବାକ୍ୟ ଉଚ୍ଚାରଣ ।