लाइब्रेरी
प्रोफाइल
ମୁଁ କ'ଣ ଏତେ ଖରାପ
ମୁଁ କ'ଣ ଏତେ ଖରାପ
1 min
405
ଆର୍ତ୍ତ ମୁଁ ଅର୍ଥାର୍ଥୀ ଭକତି ବିଶ୍ୱାସେ
ଅନୁସରେ ଧର୍ମ ସତ୍ୟ
ଧାରଣାରେ ମୋର ପତିତପାବନ
ତୁମେ ଏକା ଜଗନ୍ନାଥ ।
ନୀତି ଶାସ୍ତ୍ର ବେଦ ପୁରାଣ ସାହିତ୍ୟ
ଜିଜ୍ଞାସୁ ବିଜ୍ଞାନ ଜ୍ଞାନ
ତୁମେ ମହାପ୍ରଭୁ ଶ୍ରୀ ପୁରୁଷୋତ୍ତମ
ନୀଳଚକ୍ର ସୁଦର୍ଶନ ।
ତ୍ରିଗୁଣ ସ୍ୱଭାବ ଭକ୍ତ ଅକିଞ୍ଚନ
ତୁମ ହାତେ ଭାବଡୋରି
ଭଗବାନ ତୁମେ ରାମ କୃଷ୍ଣ କଳ୍କୀ
ଲୀଳାମୟ ଅବତାରୀ ।
ତୁମ ବଡ଼ଦାଣ୍ଡ ଏ ବିଶ୍ୱବ୍ରହ୍ମାଣ୍ଡ
ମାତ୍ର ମୁଁ ଧୂଳିକଣ
ହର ପାପତାପ ଗରବଗଞ୍ଜନ
ଦୂରିତ କର ଖଣ୍ଡନ ।
ମିଳୁ ସଦଗତି ସରଗଦୁଆରେ
କୈବଲ୍ୟରୁ କଣିକାଏ
ମୁଁ ମହା ଆରତ ପାଦପଦ୍ମେ ତବ
ଧ୍ୟାଉଅଛି ଏକଲୟେ ।
ଜୀବନ ଜଞ୍ଜାଳେ ନିଷ୍ପଷିତ ହେବି
ମୁଁ କ'ଣ ଏତେ ଖରାପ
ଭକତ ଅନାଥ କରେ ନିବେଦନ
ପ୍ରକଟ ଦିବ୍ୟ ସ୍ୱରୂପ ।
