ମୁଁ ଏକା
ମୁଁ ଏକା
1 min
207
ସେ ଦିନ
ମୋ ପାଦ ତଳେ
ପଡୁ ନ ଥିଲା,
ପାଟି ବନ୍ଦ
ହେଉ ନ ଥିଲା,
ମୋ କଥା ସମସ୍ତଙ୍କୁ
ଚକିତ କରି ଦେଉଥିଲା ।
ଆଜି, ମୋ ପୁଅ
ଆମ ସ୍ୱପ୍ନ ପୁରା କରି
ଉଡାଯାହାଜରେ ବସିବ
ବିଦେଶ ଯିବ,
ତା ବୋଉ ଥିଲେ
କେତେ ଖୁସି ହୁଅନ୍ତା
ଏଣିକି ମୋର
ଆଗକୁ ନାହିଁ
କି ପଛକୁ ନାହିଁ
ପୁଅର ଖୁସିରେ
ମୋ ଖୁସି
ଦୁଇ ଗୁଣିତ ହେବ ।
ଦୁଇ ଆଖିରେ
ଦି ବୁନ୍ଦା ଲୁହ ଦେଖି
ବାପା ! କାନ୍ଦୁଛ
ପୁଅ କହେ,
ନା ରେ ଧନ
ସ୍ବପ୍ନ ସାକାର ହେଲେ
ଖୁସିର ଲୁହ ବୋହେ ।
ଶୂନ୍ୟ ଘରେ
ବାସନ କୁସନ ଗଡୁଛି
ସନ୍ତାନକୁ ବଡ଼ କରି
ଚାଲାକ୍ ନା ବୋକା,
କାହିଁକି ନା
ସମୟର ଅପରାହ୍ନରେ
ମୁଁ ଏକା ।