ମୁଁ ଆସୁଛି
ମୁଁ ଆସୁଛି
ମୁଁ ମାୟା ସାଥେ ଯୁଦ୍ଧ କରି
ତାକୁ ଯୁଦ୍ଧରେ ହରାଇବି ।
ତା' ଦେହକୁ ଖଣ୍ଡ ଖଣ୍ଡ କରି
ମୁଁ ଚିଲକୁ ଖାଇବାକୁ ଦେବି।
ମୁଁ ଲୋଭ କାମନାକୁ ପଙ୍ଗୁ କରି
ତାକୁ ଅଗ୍ନିକୁଣ୍ଡରେ ପକାଇବି ।
ମୁଁ ହିଂସାକୁ ପ୍ରେମେ ବଶୀଭୂତ କରି
ଅହିଂସା ରାଜ୍ୟେ ତାକୁ ନେଇ ରଖିବି ।
ସମସ୍ତ କୁକର୍ମ ତ ମିଥ୍ୟା,ପାପ ପରି
ତାକୁ ପ୍ରେମ ସିନ୍ଧୁରେ ବୁଡ଼ାଇ ରଖିବି ।
ମହାନିଦ୍ରା ସେଇ ମୃତ୍ୟୁକୁ ମୁଁ ଗୁଣି କରି
ତା' ଆଗରେ ପୂଣ୍ୟ ଖଡ୍ଗ ଧରି ଠିଆହେବି ।
ମୁଁ ପାପୀ ଅଧର୍ମୀଙ୍କୁ ମାରିବା ପାଇଁ
ତାଙ୍କ ପାଖକୁ ମୃତ୍ୟୁକୁ ପଠାଇବି ।
ମୁଁ ଉତ୍ତମ ପୂଣ୍ୟାତ୍ମା ଲୋକଙ୍କୁ ନେଇ
ପ୍ରଣୟ ନଗରୀରେ ରଖି ଆସିବି ।
ଶେଷରେ ସୈନ୍ୟ ଶୂନ୍ୟ ଯୋଗୁଁ ମହାରାଜା କଳି
ନିଷ୍ପତ୍ତି ନେବେ ଯେ,ମୁଁ ଏ ସଂସାରକୁ ଛାଡ଼ିଵି ।
ତା'ପରେ ମୁଁ ଆସିବି
ଏ ସଂସାରକୁ ନୂଆ ରୂପରେ ।
କଳିଯୁଗର ସମସ୍ତ ଭଲ ମଣିଷଙ୍କୁ ଧରି
ଆଉ ତା ସାଥେ ସତ୍ୟ ପ୍ରେମ୍ ପୂଣ୍ୟକୁ ସାଥେ ଆଣିବି ।
ସତ୍ୟର ମୁକୁଟ ପିନ୍ଧି, ପୂଣ୍ୟର ତରବାରି ଧରି
ପ୍ରେମର ପୋଷାକ ପିନ୍ଧି, ଆନନ୍ଦର ରଥରେ ଆସିବି ।
ତୁମେ ଭଳମଣିଷ ହୁଅ; ପାପ କର୍ମକୁ ତ୍ୟାଗ କରି
ମୁଁ ତୁମକୁ ମୋ ରାଇଜରେ ବହୁତ ଖୁସିରେ ରଖିବି ।
ମୁଁ ସତ୍ୟ ! ମୁଁ ହିଁ ସତ୍ୟଯୁଗ
ମୁଁ ଆସୁଛି ଏ ସଂସାରକୁ ।
ତୁମେ ଭଳ ମଣିଷ ହୋଇଯାଅ
ଆଉ ମୋ ବାଟକୁ ଚାହିଁ ବସିଥାଅ ।
ମୁଁ ଆସିବି ଓ ରହିବି
ମୁଁ ତୁମକୁ ନେଇଯିବି ପରମାତ୍ମଙ୍କ ପାଖକୁ ।
ତୁମେ ଧୈର୍ଯ୍ୟଧରି ଅପେକ୍ଷା କର
ମୁଁ ଆସୁଛି ମୁଁ ଆସୁଛି ମୁଁ ଆସୁଛି ।