ମୃତ୍ୟୁଞ୍ଜୟ

କୋଟି ଦଣ୍ଡବତ କରୁଛି ଶଙ୍କର

ଭକ୍ତି ରେ ହୋଇ ବିଭୋର

ବର୍ଷେ ପ୍ରତିକ୍ଷା ରେ ଆସିଛି ଜାଗର

ମୃତ୍ୟୁଞ୍ଜୟ ସେବା ମୋର ।

ବିଶ୍ୱର ବିଶ୍ୱାସ ଭରି ଛି ସଂସାରେ

ବିଶ୍ବ ବ୍ରହ୍ମ ନିରାକାର

ସଂସାର ଦୁର୍ଗତି ଦୂର କରି ଦେବ

ଅନ୍ଧକାର କର ଦୂର ।

ଶରୀର ଅସୁସ୍ଥ ରୋଗ ଅପ୍ରମିତ

ଆଉ ନପାରଇ ଚାଲି

କଷ୍ଟ ଭାର ପ୍ରଭୁ ସହି ନପାରିଣ

ନିଶ୍ଚଳ ନିରବ ହେଲି ।

ଆହେ ବିଶ୍ବବନ୍ଧୁ କରୁଣାର ସିନ୍ଧୁ

ତ୍ରିଭୂବନ ଦୁଃଖ ହାରି

ଦାରିଦ୍ର୍ଯକୁ ନାଶି ମାଧୁର୍ଯ୍ୟ ପରସି

ଦୁଃଖ ଦିଅ କିଛି ହରି ।

ଅଛି ଉପବାସ କରିଛି ଜାଗର

ଉଜାଗରେ କଟେ ନିଶି

ମହାଶିବ ରାତ୍ରି ତୁମ ସନିକଟେ

ଦିଆ ଜଳାଉଛି ବସି ।

ଆଖିରୁ ଝରୁଛି ଅସରନ୍ତି ଲୁହ

ଶ୍ରୀ ପାଦ ପଖାଳି ଦେବି

ଭରି ଗଙ୍ଗା ଅଶ୍ରୁ ଗଙ୍ଗାଧର ପାଇଁ

ଝର ଝର ଢାଳି ଦେବି ।

ଜାଳୁଛି ଜାଗର ଭକ୍ତି ଅର୍ଘ୍ଯ ଦେଇ

ପୂଣ୍ୟ ପ୍ରକାଶିବା ପାଇଁ

ଶୁଷ୍କ ମୁହେଁ ମୋର ଗଙ୍ଗା ଢାଳି ଦିଅ

ଆହେ ଗଙ୍ଗାଧର ସାଇଁ ।

ଶୂନ୍ୟ ମହା ଶୂନ୍ୟ ଶୂନ୍ୟତା ରେ ପୂର୍ଣ୍ଣ

ଶୂନ୍ୟ ଛଡା ନାହିଁ କିଛି

ଶୂନ୍ୟ ରେ ପ୍ରକଟି ଶୂନ୍ୟତାକୁ ନାସୀ

ଶୂନ୍ୟ ରେ ପୂର୍ଣ୍ଣ୍ୟ ଭରିଛି ।

ତ୍ରାହି ତ୍ରିନୟନ ନେଲି ଶରଣମ୍

ପ୍ରଭୁ ତ୍ରିଭୂବନ ଦେବ

ଜ୍ଞାନ ହୀନ ପୁଣି ବିଦ୍ୟା ହୀନ ମୁହିଁ

ମନ୍ତ୍ର ହୀନ ମହାଦେବ ।

ପୂଣ୍ୟ ପୂର୍ଣ୍ଣ କର ଆଞ୍ଜୁଳିକୁ ମୋର

ପାପ ଭାର ଦିଅ ହରି

ଶରୀର ରୁ ପ୍ରାଣ ମୋକ୍ଷ ଦିଅ ପ୍ରଭୁ

ଏତିକି ଶେଷ ଗୁହାରି ।