ମୋକ୍ଷ

ଧନ,ପ୍ରତିପତି,ଐଶ୍ଵର୍ଯ୍ୟ,ସମ୍ପତି

ଲୋଭ,ମୋହ ର କାରଣ,

ମୋ ଜୀବନ ଲକ୍ଷ ବିଭୁକୃପା ପ୍ରାପ୍ତି

ପ୍ରଭୁ ପାଦେ ଟିକେ ସ୍ଥାନ |

ଚୋୖରାଅଶି ଲକ୍ଷ ଯୋନି ଜନ୍ମ ପରେ

ମିଳିଛି ଏଇ ଶରୀର,

ବ୍ୟର୍ଥ ଯିବିନାହିଁ ପାପକର୍ମ କରି

ଲକ୍ଷ ପୁଣ୍ୟ ପାରାବାର |

ମନୁଷ୍ୟ ଜୀବନ ଈଶ୍ୱରଙ୍କ ଦାନ

ମୋକ୍ଷ ପ୍ରାପ୍ତ ଲଭିବାକୁ,

କ୍ଷଣିକ ସୁଖକୁ କାହିଁ ଅବା ଆଶା

ମୋହ କବଳେ ମନକୁ |

ଦିଦିନ କୁଣିଆଁ ଏଇ ସଂସାରରେ

ଫେରିଯିବି କର୍ମ କରି,

ଭଲ କର୍ମକରି ମୋକ୍ଷ ଲଭିବାକୁ

ଚେଷ୍ଟା ରହିବ ମୋ ଜାରି |

ସୁକର୍ମରେ ମିଳୁ ସୌଭାଗ୍ୟତା ପ୍ରାପ୍ତି

କୁକର୍ମରେ ନର୍କ ଦ୍ୱାର,

ଜୀବନ ଜନ୍ମର ସାର୍ଥକତା ମିଳୁ

ଭୋଗିବାକୁ କର୍ମଫଳ |

ଅନୁକୂଳ ଅବା ପ୍ରତିକୂଳ ସ୍ଥିତି

ଯାହାବି ଆସୁ ଜୀବନେ,

ସହିବାକୁ ଦେବ ଧୈର୍ଯ୍ୟ ଓ ସାହସ

ଭୋଗ ଅଛି ଯାହା କର୍ମେ |

ଅନ୍ତରରୁ କାଢ଼ି ଲୋଭ ମୋହ ମାୟା

ନିସ୍ଵ କର ମହାବାହୁ,

ପଦ୍ମ ପାଦତଳେ ଲୟ ଥାଉ ମୋର

ହରିନାମ ତୁଣ୍ଡେ ଥାଉ |

ନିନ୍ଦା ପ୍ରଶଂସାରେ ରୁଚି ମୋ ନରହୁ

ମନ ଜପୁ କୃଷ୍ଣ ରାମ,

ମଣିଷ ଜୀବନ ସାର୍ଥକତା ଲଭୁ

ଆତ୍ମା ଫେରୁ ମୋକ୍ଷ ଧାମ |