ମୋ କୁନି ବଗିଚାର କଲରା

ମୋ କୁନି ବଗିଚାର କଲରା

ଦେହକୁ ହିତ ଭାରି ନିଆରା ।

ମଧୁମେହକୁ କରିବ ଦୂର

ଏହି ପରିବାକୁ କଲେ ଆଦର ।

ସୁଷମ ଖାଦ୍ୟରେ ଗଣା ତ ଏହା

କଲରା ଶାଗ ତ ଭାରି ବଢ଼ିଆ ।

ଶିଶୁଠୁଁ ବୃଦ୍ଧ ସଭିଙ୍କ ପାଇଁ

ଖାଇବା ସଦା ଭଉଣୀ ଭାଇ ।

ରୋଗ ଜୀବାଣୁ କରଇ ନଷ୍ଟ

ଦୁରେଇ ଦିଏ ଆଖିର କଷ୍ଟ ।

ହୃଦ ରୋଗ ଓ ରକ୍ତ ଚାପର

ସନ୍ତୁଳନ କରେ ନିରନ୍ତର ।

ଭିଟାମିନ ସି ଭିଟାମିନ ଏ

କଲରା ଜୁସ ସଦା ଯୋଗାଏ ।

ରୋଗ ଜୀବାଣୁ କରେ ବାହାର

ରହିବ ନାହିଁ ଚିନ୍ତା ଓ ଡର ।

ଶାଗ ତର୍କାରୀ ସଂତୁଳା ଭଜା

ଖାଇଲେ ଲାଗେ ବହୁତ ମଜା ।

ଖାଇବ ପିତା ଗାଇବ ଗୀତା

ହୋଇବ ଯଦି ଜଗତ ଜିତା ।