ମୋ ଗାଁ-4

ଥିଲେ ଥାଉ ଯେତେ ମତଭେଦ ଏଠି

ବାହାରକୁ ଭଲ ଦିଶୁଚି  

ଉଜୁଡ଼ିଛି ପଛେ ଗାଁ ଭିତିଭୂମି 

ତଥାପି ମୋ ଗାଁ ହସୁଛି l

ବିକାଶଟା ସିନା ଚୁଲିକି ଗଲାଣି 

ରାଜନୀତି ଭାରି ଜମିଛି 

ସଭିଏଁ ତ ଏଠି ଶିକ୍ଷିତ ମୁରୁଖ 

କିଏ ବା କାହାକୁ ମାନୁଛି l

ଏକତା, ସାହସ ,କଳା ସଂସ୍କୃତିରେ 

ମୋ ଗାଁ ନାଁ ଆଗରେ ରହିଛି 

ପର ତିଅଣରେ ଘର ଚଲେଇକି

ଖାଲି ଧକେଇ ଧକେଇ କାନ୍ଦୁଛି l

ପାହାଡ ପଥର ଇଟାଠୁ ମୁରୁମ 

ସବୁଠି ମାଫିଆ ଚାଲିଛି  

ଗୋଚର ଭୂମିରେ ଫସଲ ହେଲାଣି 

ଗାଈଟା ବନ୍ଦୀରେ ରହୁଛି l

ଭେଣ୍ଡିଆ ପିଲାଟା ମୁହଁ ଖୋଲି ଯଦି

ପଦଟିଏ କଥା କହୁଛି  

ମୁହଁ ତାର ବନ୍ଦ କରିଦେବା ପାଇଁ 

କେତେ ରଣନୀତି ହେଉଛି l

ଯେତେ ରାଜନୀତି ରଣନୀତି ହଉ 

ବୁଢି ଠାକୁରାଣୀ ଦେଖୁଚି 

ଠିକ ସମୟରେ ଠିକ କଥା ହବ 

ଏତିକି ଭରସା ରହିଛି l