ମିଛୁଆ ସ୍ୱାମୀ

ସ୍ୱାମିଟା ସତରେ ଏଡ଼େ ମିଛୁଆଟେ 

ମିଛ ଗୁଡା ଖାଲି ବକନ୍ତି 

ରାଗ ,ଖଟା, ପିତା ଯାହା ଲାଗୁ ପଛେ 

ହାତକୁ ଚୁଚୁମି ନିଅନ୍ତି l

କୁହନ୍ତି ମିଛରେ କୋଉ ଜନମରେ 

କି ଭଲ କାମ ମୁଁ କରିଛି 

ଯୋଉଁଥିପାଇଁ ମୁଁ ତୁମ ପରି ଗୋଟେ 

ସ୍ତ୍ରୀଟିଏ ଆଜି ପାଇଛି  l

ସଜ ଧଯ ହେଇ ପଚାରିଲେ କେବେ

କେମିତିକା ମୁଁ ଦିଶୁଚି ?

ମିଛୁଆ ସ୍ୱାମିଟା ମିଛରେ କୁହନ୍ତି 

ପରୀଟେ ଓଲ୍ହେଇ ଆସିଛି l

ଅଭାବରେ ଥିଲେ ଅଭାବର କଷ୍ଟ 

ଏକା ଏକା ସିନା ସହନ୍ତି  

ପଚାରିଲେ କେବେ ସବୁଥିଲା ପରି 

ମିଛରେ ଫୁଟାଣି ମାରନ୍ତି l

ସବୁରି ପେଟର ଚିନ୍ତା କରି କରି 

ନିଜକୁ ଉପାଶେ ରଖନ୍ତି 

ପଚାଲିଲେ ମିଛେ ପେଟକୁ ବାଡେଇ

ବାହାରେ ଖାଇଛି କୁହନ୍ତି l

ଘରେ କେହି ଯଦି ବେମାର ହୋଇଲେ

ଆଖିର ନିଦ ସେ ହଯାନ୍ତି 

ନିଜେ ଯେତେ ରୋଗ ବେମାର ହେଲେବି

ଗୁରୁଣ୍ଡି କାମକୁ ଯାଅlନ୍ତି l

କେବେ ସୁନା ଭାଇ କେବେ ସୁନା ପୁଅ

କେତେ ଚରିତ୍ରରେ ରୁହନ୍ତି 

ଭଲ ସ୍ୱାମୀଟିଏ କେବେ ହେଲ ତୁମେ 

ପଚାରିଲେ ମିଛ କୁହନ୍ତି l

କଥାରେ କଥାରେ କୁହନ୍ତି ମିଛରେ 

ତୁମ ପାଇଁ ଖାଲି ଆସିଛି 

ହାତ ଧରି ତୁମ ବାଟ ଚାଲୁଥିବି 

ଏତିକି ଭରସା ଦଉଚି l