ମୋ ଦେଶ
ମୋ ଦେଶ
ମାଆ ଟି ମୋର କେଡେ ସୁନ୍ଦର
ଭାରତ ତା'ର ନାଁ,
ଭୁଲିହୁଏନା ମାନସ ପଟୁ
କେବେ ତାହାର ନାଁ ।
ହିମାଳୟ ଯା'ର ଗଭା ମଣ୍ଡନ
କରେ କିରୀଟ ରାଜି
ସାଗର ଯା'ର ଚରଣ ଧୁଏ
ଲହଡ଼ି ମାଳା ସାଜି ।
ଉଡ଼ଇ ଆମ ନେତ ତ୍ରିରଙ୍ଗା
ଆକାଶେ ଫର ଫର
ନୁଆଁଇ ଶିର କରୁଛି ଆଜି
କୋଟିଏ ନମସ୍କାର ।
କେତେ ଯେ ବୀର କେତେ ସାଧକ
ଜନମି ଏଇ ଦେଶେ
ରଚିଲେ କେତେ କୀର୍ତ୍ତିସ୍ତମ୍ଭ
ଦେଶ ଆଉ ବିଦେଶେ ।
ଗାନ୍ଧୀ, ନେହେରୁ ଜବାହାର ଲାଲ
ପୁଣି ଇନ୍ଦିରା ଗାନ୍ଧୀ
ଦେଶ ପାଇଁକି ସଂଗ୍ରାମ କରି
ହାତରେ ହାତ ଛନ୍ଦି।
ଭାଇଚାରାର ଦେଶରେ ଏହି
ଏକତା ଆମ କାମ୍ୟ
ସୁନାର ଏଇ ଭାରତ ଆମ
ରଖିବା ଦେଶ ନାମ ।
ଲେଖିବା ପୁଣି ନୂଆ କାହାଣୀ
ଆଗାମୀ ପିଢ଼ି ପାଇଁ
ଯେମିତି ଆମ ପୂର୍ବ ପୁରୁଷ
ଛନ୍ତି ଅମର ହୋଇ ।
ଆମେ ସଭିଏଁ ତାଙ୍କ ଦାୟଦ
ତାଙ୍କରି ସ୍ୱାଭିମାନ
ତଳେ ପକାଇ ଦେବାନି କେବେ
ତାଙ୍କରି ସନମାନ ।
ଆମ ତ୍ରିରଙ୍ଗା ଆମରି ମାନ
ଆମେରେ ବୀର ଜାତି
ଦେଶ ପାଇଁକି ଶତ୍ରୁର ଆଗେ
ପତାଇ ଦେବୁ ଛାତି ।
ଜୟ ଭାରତ ଜୟ ତ୍ରିରଙ୍ଗା
ଜୟ ମୋ ମାଟି ମାଆ
ତ୍ରିରଙ୍ଗା ଛୁଇଁ କରେ ଶପଥ
ରଖିବି ତୋର ନାଁ ।