ଲାଇବ୍ରେରୀ
ପ୍ରୋଫାଇଲ୍
ମନପକ୍ଷୀ
ମନପକ୍ଷୀ
1 min
133
ମନ ପକ୍ଷୀ ମୋର
ଆଜି ଉଡ଼େ ଫର ଫର
ଆଜି ସେ ନୁହେଁ କାହାର
କି
କେହି ଵି ନୁହେଁ ତାହାର
ସାଜିଛି ଆଜି
ବାଟବଣା ପଥିକ ସେ
ଯାଯାବର ଜୀବନକୁ ଆଦରି ନେଇଛି
ଅମଡ଼ା ବାଟରେ ପାଦ ଦେଇ
ଝୁଣ୍ଟିଛି ଆଉ ହୋଇଛି ରକ୍ତାକ୍ତ କେତେ ଥର
ନିଜର ଭାବି
ଯାହାକୁ କରିଥିଲା ନିଜର
ହୃଦୟ ହାଣି
ସପନ ଭାଙ୍ଗି
ଅଧାବାଟେ ହାତ ଛାଡ଼ି କରିଦେଲା ସିଏ ସାତପର
ହଜାଇ ନିଜକୁ
ଖୋଜି ବୁଲେ ଆଜି
ମମତାର ମନ୍ଦିର
ଜାଣିଛି ସେ
ଏଠି ତ ସମସ୍ତେ ପ୍ରେମର ଫକୀର
ସେଥିପାଇଁ ତ
ସେ ମନାଇ ନେଇଛି ତା ଅବୁଝା ମନକୁ
ଏଠି ତ କେହି ନୁହେଁ କାହାର
ଜିଇଁଥିବା ଯାଏ
ବାଣ୍ଟିବ ବାରତା ପ୍ରେମର
ସଭିଙ୍କୁ ଆଦରି
ଆଉ କରିନେଇ ନିଜଠୁ ନିଜର
