ଲାଇବ୍ରେରୀ
ପ୍ରୋଫାଇଲ୍
ମନେ ପଡେ ତୁମ କଥା
ମନେ ପଡେ ତୁମ କଥା
ମନ ଆକାଶରେ ତୁମ ଛବିଭାସେ
ଦିନରାତି ଅବିରତେ
ସମୟ ସ୍ରୋତରେ ତୁମେ ହଜିଗଲ
ଝୁରୁଚି ମୁଁ' ଆଜି ସତେ !!
ସବୁ ପ୍ରେମସ୍ମୃତି ରଖିଛି ସାଇତି
ପ୍ରେମ ଫରୁଆରେ ମୋର
ପ୍ରେମ ଇତିହାସ କରେ ଉପହାସ
ମୁଁ'କାହିଁ ସାଜିଲି ପର !!
ପ୍ରୀତିର ଚୁମ୍ବନ ତୁମେ ଦେଇଥିଲ
ପାଶୋରି ପାରୁନି ମନୁ
କାହିଁକି କେଜାଣି ଭୁଲିଗଲ ସାଥୀ
ମୋତେ ତୁମେ ଜାଣୁଜାଣୁ !!
ବରଷା ରାତିରେ ଆମେ ଭିଜିଥିଲେ
ପ୍ରେମଗୀତ ଗାଇଗାଇ
ପ୍ରେମ ପରଶରେ କହିଥିଲ ତୁମେ
ଚୁମ୍ବନ ଆଙ୍କିବା ପାଇଁ !!
ପ୍ରେମଭାବନାରେ ଜୋଛନା ରାତିରେ
ଆମେ ବୁଲୁଥିଲେ ଏକା
ତାରାଫୁଲ ଦେଖି କହିଥିଲ ସଖୀ
ପ୍ରେମର କଜଳ ଟୀକା !!
ଭାଗ୍ୟବିଡମ୍ବନା ମୁଁ ଆନମନା
ପଥହୁଡି ଚାଲିଗଲ
ସିନ୍ଥୀରେ ତୁମର ଆଉ କା'ସିନ୍ଦୁର
ହୃଦୟକୁ ଜାଳିଦେଲ !!
ପ୍ରେମ ଦୁନିଆରେ ମୁଁ' ଖୋଜିବୁଲେ
ତୁମରି ସରାଗ ହସ ;
ମୁଁ'ପ୍ରେମୀ ପାଗଳ ଦୁଃଖ ମୋ' ଅସହ୍ୟ
ଦେଇ ଯାଆ ପ୍ରିୟା ବିଷ !!
ମରିବା ଆଗରୁ ଦେଖନ୍ତି ମୁଁ' ଥରେ
ତୁମରି ଚନ୍ଦ୍ରମା ରୂପ ;
ଏଇ ଅବୋଶୋଷ କରମୋର ଶେଷ
ଦେଇପ୍ରିୟା ଅଭିଶାପ !!
ସଦାନନ୍ଦ ସାହୁ
ଧୁରୁସିଆ ; କଟକ
(ଜଣେ ସହୃଦୟ ପାଠକଙ୍କର ଅନୁରୋଧର କବିତା )
