ମିଛ କହୁଥିବା ମଣିଷମାନେ !

ମିଛ କହୁଥିବା ମଣିଷମାନେ....

ସତ କହି ଶତ୍ରୁ ହବା ଅପେକ୍ଷା

ଅନେକ ପସନ୍ଦ କରନ୍ତି 

ମିଛ କହି ମହାନ ହେବାକୁ,

ସେମାନେ ହିଁ ସମୟର ଅବସ୍ଥିତି ନ ବଦଳି

ମନର ରଙ୍ଗ ଅତି ସହଜରେ 

ବଦଳେଇ ପାରନ୍ତି....।

ମିଛ କହୁଥିବା ମଣିଷମାନେ....

ସମୟର ଅବସ୍ଥିତି ନ ବଦଳୁ ହିଁ

ଚାରିଜଣ ଖୋଳପା ପିନ୍ଧା ମଣିଷର

ମହାତ୍ମା ବୋଲକରେ 

ହରେଇ ବସନ୍ତି ବଳକିଥିବା

ଅଧା ପୋଡା ଜ୍ଞାନବୀଜ ।

ମିଛ କହୁଥିବା ମଣିଷମାନେ....

ନିଜକୁ ଆଇନାର ପଛ ପଟେ ରଖି 

ବଜାର ବସାନ୍ତି ବେନାମୀ ଇଲାକାରେ

ଅଜଣା ଠିକଣାରେ ମାଜିମଜ୍ଜି 

ସଉଦା କରନ୍ତି ହାଟରେ ବିକା ଇଜ୍ଜତ ।

ମିଛ କହି ମହାତ୍ମା ହେବା ତ ସହଜ

ହେଲେ ମିଛର ଆୟୁଷ ଯେ ଅଳ୍ପ ଦିନ

ହିସାବ ନ ଥାଏ ସେମାନଙ୍କ ପାଖରେ,

ଦେହର ବାସ୍ନାକୁ ନିଲାମ କରି

ତୁଳସୀ ପରି ପବିତ୍ର ହେବା ବି 

କମ୍ ସହଜ ନୁହେଁ,

ମିଛ.... ପାପ, ସତ... ପବିତ୍ର ବୁଝି ପାରିଲେ ହେଲା ।।