ମହାଶିବରାତ୍ରୀ ନାମ ଜାଗର
ମହାଶିବରାତ୍ରୀ ନାମ ଜାଗର
ଜାଳୁଛି ଜାଗର ଆହେ ଉମାହର
ଚରଣ ଯୁଗଳ ତଳେ
ଶରଣ ପଞ୍ଜର ବାନା ଭୋଳାବାବା
ଉଡ଼ାଇଛ ମହୀତଳେ ।
ଆହେ ପଶୁପତି ହେ ଅଖଣ୍ଡଜ୍ୟୋତି
ଦେବ ଦେବ ମହାଦେବ
ଆହେ ପୂର୍ଣ୍ଣବ୍ରହ୍ମ ଆହେ ନିରଞ୍ଜନ
ସୃଷ୍ଟିର ଅୟମାରମ୍ଭ ।
ପୂଜଇ ପୟର ହେ ଉମାଶଙ୍କର
ସୃଷ୍ଟି ହୁଅଇ ଅସ୍ତିର
ପ୍ରଳୟ କାଳରେ ଧର୍ମ ସଂସ୍ଥାପନା
କରନ୍ତୁ ଭୋଳାଶଙ୍କର ।
ତୁମେ ଆଦିଅନ୍ତ ତୁମେହିଁ ଅନନ୍ତ
ମହାରୁଦ୍ର ମହାଯୋଗୀ
ମୁୁଁ ଛାର କିଙ୍କର ଦାସ ପ୍ରଭୂ ତୋର
ହୋଇଛି ସଂସାର ତ୍ୟାଗୀ ।
ଜାଳୁଛି ଜାଗର ଏ ସାରା ସଂସାର
ଦୁଃଖ ଯାଉ ଦୂର ହୋଇ
ଆଖଣ୍ଡଳମଣି ନାମକୁ ତୁମର
ସାର୍ଥକ କର ଗୋସାଇଁ ।
ସୃଷ୍ଟିର ରହସ୍ୟ ତୁମେ ଭେଦ କର
ତୁମକୁ ତ ସବୁ ଜଣା
ତୁମରି ସୃଷ୍ଟିକୁ ରକ୍ଷାକର ପ୍ରଭୂ
ହୋଇଛନ୍ତି ବାଟ ବଣା
ସବୁତ ତୁମକୁ ଜଣା ।