ମାଆ ଓ ଶାଶୁ

ମାଆ ମୋ ଦେବକୀ ଶାଶୁମାଆ ଯଶୋଦା

ଦୁହେଁ ମାଆ କଲ୍ୟାଣମୟୀ

ମାଆ ଦେଇଥିଲେ ସ୍ନେହ ଶ୍ରଦ୍ଧା ଭରି

ଶାଶୁ ମାଆ ପ୍ରେରଣା ଦାୟୀ

ଶାଶୁ ଘର ମୋର ସରଗଠୁ ବଳି

ଯେଁଉଠି ମିଳିଛି ଶିକ୍ଷା

ଶାଶୂଙ୍କର ଗାଳି ଆଦର୍ଶର ମନ୍ତ୍ର

ଦେଇଛନ୍ତି ଗୃହ ଦୀକ୍ଷା

ପରିବାର ଲାଗି ମମତାମୟୀ ମାଆ

ଶିଖାନ୍ତି ଘର କରଣା

ସମ୍ପର୍କରର ବାର୍ତ୍ତା ଶିକ୍ଷା ଦେଲେ ପୁଣି

ଶିଖାଇ ଦେଲେ ସଣ୍ଠଣା

ହାତେ ହାତ ଯୋଡ଼ି ଦେଲେ ଘର ଗଢି

ଅତୁଟ ବନ୍ଧନେ ବାନ୍ଧି

ଆତ୍ମା ଶାନ୍ତି ବାର୍ତ୍ତା ସ୍ନେହ ପ୍ରେମ ଶ୍ରଦ୍ଧା

ମମତାରେ ଦେଲେ ଛନ୍ଦି

ମାଆ ଶିକ୍ଷା ଦେଲେ ଗଢ଼ିବୁ ରେ ଘର

ହୋଇଲେ ତୁଠ ପଥର

ଜନ୍ମ ଦେଲି ସିନା କର୍ମ ଗଢିବୁ ତୁ

ଘର ତୋର ଶାଶୁଘର

ଶାଶୁ ନୁହେଁ ତୋର ମାଆ ସେ ଅଟନ୍ତି

ତାଙ୍କ କଥା ମାନି ଥିବୁ

ଜୀବନ ଆରମ୍ଭ ତାଙ୍କଠୁ ଶିଖିବୁ

ମଥା ପାତି ସହିନେବୁ

ଶାଶୁ ମାଆ କୁହନ୍ତି ସହନ ଶକ୍ତିରେ

ଗଢିବୁ ସୁନା ସଂସାର

ସ୍ନେହ ମମତାରେ ଛନ୍ଦି ଦେଲେ ଥରେ

ପର ହେବେ ଆପଣାର

ମାଆଙ୍କୁ ପ୍ରଣାମ ଶାଶୁଙ୍କୁ ପ୍ରଣାମ

ଦୁହିଁଙ୍କ ଆଶିଷ ବାରି

ତାଙ୍କ ଆଶୀର୍ବାଦ ପଥ ପ୍ରଦର୍ଶକ

ସଂସାର ହୋଇବି ପାରି

ସଂସାର ହୋଇବି ପାରି ।।