ଗୃହଲକ୍ଷ୍ମୀ
ଗୃହଲକ୍ଷ୍ମୀ
ସଦାଚାର ନୀତି ଆଦର୍ଶ ସମ୍ପତ୍ତି
ସହନ ଶକ୍ତିଯା ପାଶେ
ସେବା କାର୍ପଣ୍ୟ ରେ ମନ ଜିଣିଥାଏ
ପରିବାର ଯହିଁ ହସେ ।
ଅମାନ୍ୟ ନକରି ସମାନ ଦୃଷ୍ଟିରେ
ବାଣ୍ଟଇ ହସ ଆଦର
ପରକୁ ନିଜର କରେ ଆପଣାର
ହସି ଉଠେ ପରିବାର ।
ନରଖଇ ସ୍ବାର୍ଥ ସେବାରେ ଯଥାର୍ଥ
ନୀର୍ଲୋଭ ପରୋପକାରୀ
ମିଷ୍ଟ ଭାଷି ବନ୍ଧୁପ୍ରିୟ ମନୋଭାବ
ପାରେ ଆପଣାର କରି ।
କର୍ମ ଚଞ୍ଚଳତା ନଥାଏ ତିକ୍ତତା
ଏକତା ସୂତ୍ରରେ ଧରି
ସ୍ନେହ ଶ୍ରଦ୍ଧା ଜନେ ବାଣ୍ଟି ସେ ଦିଅଇ
ଅଭିମାନ ଦୂର କରି ।
ସମ୍ପତ୍ତି ବିପତ୍ତି ସମାନ ଦୃଷ୍ଟିରେ
ନକରଇ କେବେ ଦ୍ଵନ୍ଦ
ଶତ୍ରୁ ସାଥେ ମିତ୍ର ଭାବେ ବ୍ୟବହାର
ନଚିନ୍ତଇ କାର ମନ୍ଦ ।
ପତି ପୁତ୍ର କନ୍ୟା ପ୍ରିୟା ପ୍ରୀତି ଭାବେ
ବାଣ୍ଟି ଦେଇ ସଦଭାବ
ସେ ଘର ଅଗଣା ମହ ମହ ବାସେ
ଦୂରେ ରୁହଇ ଅଭାବ ।
ସ୍ବାମୀ ପାଶେ ମନ୍ତ୍ରୀ ବୁଦ୍ଧି ଜ୍ଞାନଦାତ୍ରୀ
ପରିବାରେ ସେନାପତି
ଗୁରୁ ଗୁରୁଜନ ହୃଦୟ ଜିଣଇ
ସଂସାରେ ଭରଇ ଶାନ୍ତି ।
ପତିବ୍ରତା ଧର୍ମ ଆଦର୍ଶ ଗୃହିଣୀ
ସେତ ପରିବାର ଲକ୍ଷ୍ମୀ
ସତ୍ୟ ଶାନ୍ତି ଦୟା କ୍ଷମା ଚାରିଗୁଣ
ଅଟଇ ସେ ଗୃହଲକ୍ଷ୍ମୀ ।