நூலகம்
சுயவிவரம்
ପୁରୁଷ ଉତ୍ତମ ତୁମେ ସର୍ବୋତ୍ତମ
ପୁରୁଷ ଉତ୍ତମ ତୁମେ ସର୍ବୋତ୍ତମ
1 min
167
ଜଗତ ଜୀବନ ହେ ଚକାନୟନ
ତୁମେ ଜଗଦ୍ଧାତ୍ରୀ ତୁମେ ଜନାର୍ଦ୍ଦନ
ତୁମେ ଭଗବନ୍ତ ତୁମେ ହିଁ ଭାବନ
ଅନନ୍ତ ସାଗରେ ଅନନ୍ତ ଶୟନ.
ଲକ୍ଷ୍ମୀ ସେବନ୍ତି ଚରଣ.
ପ୍ରଭୁ, ତୁମେ ସ୍ୱୟଂ ପରଂବ୍ରହ୍ମ. l0l
ପୁରୁଷ ଉତ୍ତମ ତୁମେ ସର୍ବୋତ୍ତମ
ନରଶ୍ରେଷ୍ଠ ଅବା ତୁମେ ନରୋତ୍ତମ
ହେ ମଧୁ ସୂଦନ ହେ ମଧୁ ନୀଭନ
ବାଳ କାଳେ ଟେକି ଗିରିଗୋବର୍ଦ୍ଧନ
ରଖିଲ ଯାଦବ ମାନ.
ପ୍ରଭୁ, ତୁମେ ସ୍ୱୟଂ ପରଂବ୍ରହ୍ମ. l1l
ଚତୁର୍ବେଦ ଆତ୍ମା ତୁମେ ବେଦାତ୍ମାନ
ବେଦ ପୁଣ୍ୟଶ୍ଳୋକ ଆହେ ନିରଞ୍ଜନ
ତୁମେ ବୈରୋଚନ ତୁମେ ବର୍ଦ୍ଧମାନ
ବେଦ ମଧ୍ୟେ ଦିଅ ପୁଣ୍ୟ ବ୍ରହ୍ମଜ୍ଞାନ
ଲଭେ ପୁଣ୍ୟ ଏ ଜୀବନ.
ପ୍ରଭୁ, ତୁମେ ସ୍ୱୟଂ ପରଂବ୍ରହ୍ମ. l2l
ନୀଳାଚଳ ଧାମ ସୃଷ୍ଟି ଶ୍ରେଷ୍ଠ ତୁମ
ଶ୍ରେଷ୍ଠ ଧାମେ ପ୍ରଭୁ ପରଖି ଜୀବନ
ତୁମେ ଚାରିଧାମ ଚିର ସନାତନ
ଦିବ୍ୟଦୃଷ୍ଟି ତୁମ ଜନମ ମରଣ.
ଏଇ ତ ଦିବ୍ୟ ଦର୍ଶନ.
ପ୍ରଭୁ, ତୁମେ ସ୍ୱୟଂ ପରଂବ୍ରହ୍ମ. l3l
