ରକ୍ଷା ବନ୍ଧନ ରାକ୍ଷୀ ନୁହେଁ

ରାକ୍ଷୀ ନୁହେଁ ଖାଲି ସୂତା ଖିଅ ଖଣ୍ଡେ

  ରାକ୍ଷୀ ତ ସ୍ନେହର ବନ୍ଧନ

ହାତେ ବନ୍ଧା ଥିଲେ ଜନ୍ମ ଜନ୍ମ ପାଇଁ

  ବିପଦ କରେ ସେ ଖଣ୍ଡନ।

  ରାକ୍ଷୀ ତ ସ୍ନେହ ର ବନ୍ଧନ ।

ବାନ୍ଧି ଥିଲେ ରାକ୍ଷୀ ସୁଭଦ୍ରା ଭଉଣୀ

  ଜଗା ବଳିଆଙ୍କ ହାତେ

ଏମିତି ବନ୍ଧନ ଦେଖିଲା ଜଗତ

 ରଖିଲେ ନିଜର ପାଖେ

ଭାଇ ଭଉଣୀର ପବିତ୍ର ସମ୍ପର୍କ

  ଏହି ପରା ରକ୍ଷା ବନ୍ଧନ

  ରାକ୍ଷୀ ତ ସ୍ନେହ ର ବନ୍ଧନ ।

ସୂତା ଖିଅ ଖଣ୍ଡେ ବାନ୍ଧି ଥିଲେ କୃଷ୍ଣା

 କୃଷ୍ଣ ହାତେ ସରଧାରେ

ରଖିଲେ ମହତ କୋଟି ବସ୍ତ୍ର ଦେଇ

  ଭାରି ସଭାର ମଧ୍ୟରେ

ରାକ୍ଷୀର ମହତ୍ତ୍ଵ ବୁଝିଛି ଯିଏରେ

  ସିଏ ତ ମହତ ଜନ

ରାକ୍ଷୀ ତ ସ୍ନେହ ର ବନ୍ଧନ।