କିଏ କହୁଛି

କିଏ କହୁଛି !

ମୋତେ ଏକଷଠି ହେଲାଣି ?

ମୋତେ ପରା ଷୋହଳ ଛୁଇଁନି  

କାଲି ତ ସ୍କୁଲ ଯାଉଥିଲି  

ଏଇ ତ ଏବେ ଏବେ କଲେଜରୁ ଫେରିଲି,

ନୋଟ୍ ସବୁ ଥାକରେ ସାଇତି ରଖିଛି,

ବଜାରରୁ ନୂଆ ବହି କିଣିଛି  

କାଲି ସନ୍ଧ୍ୟାରେ ସାଙ୍ଗମାନେ ପରା

ଭଲିବଲ୍ ଖେଳିବାକୁ ଡାକୁଥିଲେ  

ଖାଲି ଘର ଭିତରୁ ଶୁଭିଲା

ଦେହ ଖରାପ ; ଗଲେ କଷ୍ଟ ଲାଗିବ   

ସେଥିପାଇଁ ନା ଗଲିନି  

ହେଲେ ମୁଁ ବୁଢା ହେଇନି   

ଓଓଓ  ଏଇ ମର୍ଣ୍ଣିଂଓ୍ବାକର ବାଡି ଦେଖି କହୁଛ କି !

ସେଇଟା କୁକୁର ତଡିବା ପାଇଁ  

ଗାଡିରୁ ଯଉ ପଡିଗଲି ବୋଲି ଭାବୁଛ କି  

ମୋର ହାତ ଥରୁନଥିଲା ମ 

ଚଞ୍ଚଳ ମନଟା ଟିକେ ଚହଲିଗଲା  

ଗାଲ ଚମ ଟିକେ କୁଚା ହୋଇଛି ବୋଲି ଚାହିଁଛ କି   

ଦେହ ଭଲ ନାହିଁ ତ ଏମିତି ଦିଶୁଛି  

ଏଇ ଦେଖୁନ ମୋ ଚୁଟି କଳା ଅଛି , ନିଶ ଠିକ୍ ଅଛି ;

ମୁଁ ବୁଢା ବୋଲି କିଏ କହୁଛି  !