ତୁମେ ମୋର ବୋଲି
ତୁମେ ମୋର ବୋଲି
କେବେ ବି ଭାବି ନଥିଲି
ବୟସର ଅପରାହ୍ନରେ
ତୁମ ସହ ଦେଖା ହେବ ବୋଲି
ଆଶ୍ଚର୍ଯ୍ୟାନ୍ବିତ ଚକ୍ଷୁରେ
ବେଦନାଭରା ହୃଦୟରେ ଦେଖିଲି
ତୁମ ମଥା ଅଛି ଖାଲି
ପଚାରିବା ପୂର୍ବରୁ କିଛି ନ ପାଇ ଦୂର ରାଇଜେ
ଆହୁରି ଚକିତ ହୋଇ ଉଠିଲି
ଦେଖି ତୁମ ଓଠେ ହସର ଗହଳି
ସ୍ତମ୍ଭିଭୂତ ହୋଇଗଲି
ତୁମେ ହେଲ କି ପାଗଳୀ ।
ହସି ହସି ଆଖିରୁ ଲୁହ ଢାଳି
କହିଲ କାହାଣୀ ଖୋଲି
"ବିଭା ହେବାକୁ ଥିବା ପୁଅଟା
ଆଉ ଗୋଟେ ଧରି ଗଲା ଚାଲି
ତୁମକୁ ଖୋଜି ଆସିଥିଲି
ନ ପାଇ ଦୂର ରାଇଜେ ଗଲି
ଏଇ ତ ଫେରୁଥିଲି
ତୁମ କଥା ଭାଳି ଭାଳି
ବୋଧହୁଏ ସେହି କଥା ସତ
ତୁମେ ସଦା କହୁଥାଅ
ତୁମେ ମୋର ବୋଲି ।