ଚାଲ୍ ଆଉଥରେ

ଚାଲ୍ ଆଉ ଥରେ ଆରମ୍ଭ କରିବା

ଆମ ହୃଦୟ ର ଆତ୍ମୀୟତା କୁ, 

ଲକ୍ଷ୍ମୀଙ୍କ ଦୁଆରେ ଜଗନ୍ନାଥ ବଳଭଦ୍ର

ବେଦ ଧ୍ବନି କଲା ପରି।

ଚାଲ୍ ଆଉ ଥରେ ଫେରିଯିବା

ଆମ ଆଳାପ ର ଗୋପନୀୟତା କୁ,

ଧନୁଯାତ୍ରା ଉତ୍ସବରେ

କୃଷ୍ଣ ମଥୁରା ଗଲା ସରି।

ଚାଲ୍ ଆଉ ଥରେ ସାଉଁଟି ନେବା

ଆମ ମିଠା ମିଠା ଇସାରା କୁ

ଚଉଦ ବର୍ଷ ବନବାସ ପରେ

ରାମ ଅଯୋଧ୍ୟା ଫେରିଲା ଭଳି।

ଚାଲ୍ ଆଉ ଥରେ ଭାଙ୍ଗି ଦେବା

ଆମ ସାଇତା ସ୍ମୃତି ଭଣ୍ଡାର କୁ

ଦେଖିବୁ ତିନି ଯୁଗ ସରିଲା ପରେ

ଆମ ପ୍ରେମରେ ବି 

ସତ୍ୟ ଯୁଗ ଆସିବ ଚାଲି