Library
Profile
ମହାପ୍ରଭୁ ଙ୍କ ବାହୁଡା଼ ଯାତ୍ରା.
ମହାପ୍ରଭୁ ଙ୍କ ବାହୁଡା଼ ଯାତ୍ରା.
ଅନନ୍ତ କୋଟି ବ୍ରହ୍ମାଣ୍ଡର ନାୟକ
ମହାପ୍ରଭୁ ଜଗନ୍ନାଥ
ବଡ଼ ଭାଇ ସାନ ଭଉଣୀଙ୍କୁ ନେଇ
କରନ୍ତି ଗୁଣ୍ଡିଚା ଯାତ ।
ଜନ୍ମ ବେଦୀରେ ଲୀଳା ଖେଳା କରନ୍ତି
ନଅଦିନ ପରିଯନ୍ତେ
ବାହୁଡା ଦଶମୀରେ ବାହୁଡ଼ି ଥାନ୍ତି
ଆନନ୍ଦରେ ବସି ରଥେ ।
ମାଉସୀ ମାଆର ମନରେ ବିଷାଦ
ଗୃହ ହୋଇଗଲା ଶୂନ୍ୟ
କଳା ଚାନ୍ଦ ପାଇଁ ଜନ ଗହଳିରେ
ହେଉଥିଲା ପରିପୂର୍ଣ୍ଣ ।
ମାତାଙ୍କୁ ବୁଝାଇ ଦେଲେ ମହାପ୍ରଭୁ
ମନ ଦୁଃଖ କରନାହିଁ
କଥା ଦେଉଅଛି ଆର ବରଷକୁ
ଆସିବି ଲୋ ଦୟାମୟୀ ।
ତିନି ରଥେ ତିନି ଠାକୁର ଥାଆନ୍ତି
ଦଉଡି ଟାଣନ୍ତି. ଭକ୍ତ
ହରିବୋଲ ହୁଳହୁଳି ପଡୁଥାଏ
ଘଣ୍ଟ ଘଣ୍ଟା ନିନାଦିତ ।
ଦୁଇହାତ ଟେକି ନାଚନ୍ତି ଭକତେ
ଜୟ ଜଗନ୍ନାଥ
ଶବ୍ଦେ
ଉଛୁଳି ଉଠଇ ନୀଳାଚଳ ଧାମ
ରଥର ଘର୍ଘର ନାଦେ ।
ବାହୁଡ଼ାରେ ବାହୁଡ଼ନ୍ତି ପରଂବ୍ରହ୍ମ
ଦର୍ଶନେ ମିଳଇ ମୁକ୍ତି
ମାନବୀୟ ଲୀଳା ସ୍ୱୟଂ ମହାପ୍ରଭୁ
ଶ୍ରୀକ୍ଷେତ୍ରରେ କରିଥାନ୍ତି ।
ବରଷକେ ଥରେ ଯାଆନ୍ତି ରଥରେ
ମାଉସୀ ମାଆ ମନ୍ଦିର
ବାହୁଡ଼ାରେ ଫେରିଥାନ୍ତି ଶ୍ରୀ ମନ୍ଦିର
ଧନ୍ୟ ଲୀଳା ପ୍ରଭୁଙ୍କର ।
ଜୟ ଜୟ ପ୍ରଭୁ ନୀଳଗିରିନାଥ
ଭକ୍ତଙ୍କ ତାରଣ ପାଇଁ.
ବାରମାସେ ତେର ଯାତ୍ରା କରିଥାନ୍ତି
ମୋ ପ୍ରଭୁ କଳା ଗୋସେଇଁ ।
ପରମ ପବିତ୍ର ଅଟେ ଶଙ୍ଖ କ୍ଷେତ୍ର
ନାହିଁ ତାର ପଟାନ୍ତର
ପାଦ ପଡିଗଲେ ଶ୍ରୀକ୍ଷେତ୍ର ରେ ଥରେ
ମୁକ୍ତି ପାଇଯାନ୍ତି ନର ।
ରଥରେ ବାମନ ଦର୍ଶନ ନିମନ୍ତେ
ଦେଶ ବିଦେଶରୁ ଭକ୍ତ
ଧାଇଁ ଆସିଥାନ୍ତି ନେତ୍ରେ ଦେଖିବାକୁ
ହୋଇଯିବା ପାଇଁ ମୁକ୍ତ ।
