ଲୋହିତ କରେ ହିତ
ଲୋହିତ କରେ ହିତ
ନାଲି ନାଲି ଏଇ କୃଷ୍ଣଚୂଡ଼ା ଡାକଇ ମୋତେ ଡାକଇ
ମଧୁପିଇବାକୁ ଯିବି ମୁହିଁ ଉଡ଼ି କଳା ଭ୍ରମର ହୋଇ l
ନାଲି ନାଲି ରକ୍ତର ରଙ୍ଗେ ରଙ୍ଗେଇ ନଦେବୁ
ଆମେ ଧରା ଆମେରେ ବିଶ୍ୱ ପ୍ରେମୀ ବାବୁ l
ନାଲି ଗୋଲାପର ପାଖୁଡ଼ା ତଳେ ପ୍ରିୟାର କବରୀ
କଳା ନାଲି ମିଶ୍ରଣେ ଦିଶଇ ଅଦ୍ଭୁତ ଯଥା କଳା
ବାଦଲ ଉହାଡ଼େ ଅସ୍ତଗାମୀ ଦିନମଣି l
ନାଲି ସୋମରସ ମଜାଇ ଦିଏ ଯେ ଶର୍ଵରୀ କଳା
କଳା କାରିର ମର୍ଯ୍ୟାଦା ବଢ଼ାଇ କଳାକାରର
ଚାହିଦାକୁ ଅପେକ୍ଷାରତ ଉପହାର ମେଖଳା l
ନାଲି ଅଟେ ରକ୍ତ ସମ୍ପର୍କର ସୂଚକ ପ୍ରୀତି ଭରା
ମାତା ପିତା ଭଗ୍ନୀ ପରିବାର ଗଣେ ଆଜି
ବାଢ଼ି ବସନ୍ତି ପ୍ରେମ ଅସ୍ପଦେ ତୋରା l
ନାରୀଭୂଷଣ ଲାଜ ଢାଙ୍କି ଦିଏ ତା ଗାଲ
ନାଲିମାରେ ସଦା ରସା ବଳି ପରି ହୁଏ ଅନୁଭୂତ
ଉଜାଣି ଯମୁନା ଜୁଆର l
ପ୍ରେମିକା ରାଗରେ କରିଦିଏ ତା ମୁହଁ ନାଲି
ଡେରି ହେଲେ ଟୀକା ପ୍ରେମିକ ଆଗମନ
ହଂସା ଉଡ଼େ ଦୁଆରେ ଚାଲି ଚାଲି l
ବଦ୍ଧ ପରିକର ସାଧୁ କଳେବର ଆବୃତ
କରନ୍ତି ନାଲି ବସ୍ତ୍ରେ ବାରମ୍ବାର ସ୍ଵତିଖ ଗାରିମା
କରଣେ ପ୍ରଚାର ଜନଗଣେ ହୁଅନ୍ତି ଆଦୃତ l
କରେ ଆମକୁ ଦୃଢ଼ ଚେତସ ଲୋହିତ ବର୍ଣ୍ଣ
ପାରିବାନି ଭୁଲି ତାକୁ, ଖେଳେ ଲୁଚ କାଳି ସେ
ଆମ ଶିରା ପ୍ରଶିରା ଧମନୀକୁ କରି ଶକ୍ତି ପୂର୍ଣ୍ଣ l