ଲାଇବ୍ରେରୀ
ପ୍ରୋଫାଇଲ୍
ଭଜନ
ଭଜନ
1 min
180
କହିବୁନି କାହ୍ନୁ ରାଧା ରାତି କଥା
ପଡୁ ନାହିଁ କି ତୋ ମନେ
ତାର ଭାବ ପ୍ରୀତି ଭୁଲିକି ଯାଇଛୁ
କହିବୁକି ରାଧା ରାଣେ ।
କୁଞ୍ଜ ଆସନରେ ରାଧାରାଣୀ ସହ
ଵିତାଇଛୁ କେତେ ରାତି
ମନେ କି ପଡୁନି ସେ ଦିନର କଥା
ମନେ ନାହିଁ କି ତା ଦେହ ତାତି।
କଦମ୍ବ ମୂଳରେ ଗୋପୀଙ୍କ ଗହଣେ
ଯମୁନାରେ ନାଶ କେଳି
ରାଧାର କୋଳେ ମୁଣ୍ଡ ରଖି ଶୋଇଵାକୁ
ହେଉ ଥିଲୁ ନିଉଛାଳି ।
ମନଟା ତୋହର ତା ଠାରେ ଥିବ କାହ୍ନା
ମିଛ ବାହାନା କରୁଛୁ
କହେ ସହଦେବ ସତ କହିବୁଟି କାହ୍ନା
ତୋତେ ନେହୁରା ହେଉଛୁ ।
