ମୁଠାଏ ସୁଖ
ମୁଠାଏ ସୁଖ
ତେଲ ଲୁଣର ସଂସାର ଭିତରେ
ମୁଁ ଆଜି କ'ଣ ନିଃଶ୍ବାସୀ।
ଜୀବନ ମୋ ଛଟପଟ ରକ୍ତ ସମ୍ପର୍କର
ଚହଦିରେ , ସ୍ୱତନ୍ତ୍ରତା ନାହିଁ ।
ଖାଲି ପାଣିଚିଆ ପାଣିଚିଆ ଲାଗେ
ଗାଢ଼ ଗୋଲାପି ରଙ୍ଗ ।
ଧୂମିତ ଧୂସର ନିଛାଟିଆ ସ୍ବର ହିନ
ସକାଳ ସତେଜ ଲାଗେନି ।
ପ୍ରଖର ଉତାପରେ ଝାଳେଇ ଯାଏ
ମୋ ରକ୍ତ ମାଂସ ଶରୀର।
ରାତିର ନିଶର୍ଦ୍ଦଟା ବଢାଇ ଦିଏ ମୋ
ନିଃସଙ୍ଗ ତା ଆହୁରି ଆହୁରି।
ମୁଠାଏ ସୁଖ ପାଇବା ପାଇଁ ମୁଁ
ଦିନ ରାତି ଏକାକାର କରିଦେଇଛି
ଯୂଉ ଲଗେଇ ଜୀବନକୁ ।
ପାଇଛି ତ କାଲି ଦୁଃଖର ବୋଇତ
ଥଳକୂଳ କିଛି ପାଉନି।
ବତୀଘର ମୋ ପାଇଁ ଅଦୃଶ୍ୟ ଅଟେ
କୂଆଁତାରାକୁ ମେଘ ଢାଙ୍କିଛି।
ଅଢେ଼ଇ ଦିନର ଯାତ୍ରାଟି ମୋର
ଉତ୍ତାରୟକୁ ଅପେକ୍ଷା କରି ବସିଛି
ମୁଠାଏ ସୁଖ ମୁଁ ଜୀବନ ରେ ଖୋଜୁଛି।।