ମେଞ୍ଚାଏ ଅନୁଭବ

ଭିଜା ଭିଜା ସପନ

ଵୁନ୍ଦା ବୁନ୍ଦା ବିଶ୍ୱାସ

ଝିପିଝିପି ଭରସା

ଏସବୁ...... କାହିଁକି ?

 କେବଳ... ....ଯେ

     ଥିଲା ଓଦା ଓଦା !।।।।

ନାଁ ଥିଲା ଅନ୍ଧାରୁଆ 

     ମେଘୁଆ ଆକାଶ

ନାଁ ଥିଲା ଖଣ୍ଡ ଖଣ୍ଡ 

     ଭାସୁଥିବା ବାଦଲ

ନାଁ ଥିଲା ସୁଲୁସୁଲିଆ

      ବହୁଥିବା ପବନ ।।।।

ତଥାପି........କି କାରଣେ 

    ଭିଜୁଥିଲି ମୁଁ ଏକା ଏକା !!!!!

ଭାରି ଅଜବ ଥିଲା ସେ ଋତୁ

 ଆଉ ମସ୍ତ ମସ୍ତ ଏଇସବୁ ଶିହରଣ

ଭାରି ଗଜବ ଥିଲା ଭିଜିବା

  ଏମିତି ଏଇସବୁ ଅନୁଭବ ସାଉଁଟିବା ।

କିଛି କିଛି ସରମ ଭିତରେ ଲୁଚୁଥିଲି

କିଛି କିଛି ଗରମ ଭିତରେ ସଢୁଥିଲି

ଆଉ .... ବେଳେବେଳେ ମୁଁ ନିଜେ

ନିତି ନିଜକୁ ଭାଙ୍ଗି ଭାଙ୍ଗି ଗଢୁଥିଲି ।

ବାସ୍ .... କାହିଁକି ଯେ ?

ମୁଁ...  

  ଏମିତି କିଛି ଅନାବନା

ଆଉ

 ସେମିତି କିଛି ନିଆରା ଭାବନାରେ ବୁଡୁଥିଲି ।

ନୀରବରେ......

  ପ୍ରଶ୍ନ ପଚାରୁଥିଲି 

 ଧମନୀ ଭିତରେ ରକ୍ତ କଣିକାଗୁଡ଼ିକୁ 

ଆଉ 

ଉତ୍ତରରେ ସେମାନେ କହୁଥିଲେ'

    "ସାରାଜୀବନ ମୁଁ ଭିଜୁଥାଏ ଏମିତି" ।।