ଗଭୀର ଜଖମ

      

ଜଖମ ଗଭୀର ଥିଲା

ଅର୍ଥ ସବୁ ହଜିଥିଲା

ଶବ୍ଦ ସବୁ କାନ୍ଦୁଥିଲେ ।

ଆଖିରେ ଆଖିରେ

ମିଛିମିଛିକା ସପନ

ଢକ୍ ଢକ୍ କରି ଲୁହ ପିଉଥିଲେ।

କୁଢ କୁଢ ଆଶା 

ଅସୁସ୍ଥ ଅଶୁଂଘାତରେ

ଶ୍ୱାସରୁଦ୍ଧ ହୋଇ

ପାଣି ଟିକେ ମାଗୁଥିଲେ ।

ନିର୍ମମ କାଳବୈଶାଖୀରେ

ବିଶ୍ବାସ ଓ ଭରସାର 

ଉଠିଯାଇଥିଲା ଛପର ।

ତଥାପି,......... କିଛି

ଆତ୍ମ ବିଶ୍ଳେଷଣ ଭିତରେ,

ନଥିଲା କିଛି ଅଭିଯୋଗ

ନଥିଲା କିଛି ଅନୁଶୋଚନା ।

ସ୍ପଷ୍ଟ କାରଣ ସବୁ

କହି ପାରୁନଥିଲି,

.... କାହିଁକି ଜାଣିଛ.......???

କେବଳ ଟିକେ ଡରୁଥିଲି    

କିଏ କାଳେ ଭାବିବ,

ମୋ ଭଲ ପାଇବା କମ ଥିଲା ବୋଲି !!!