ସମ୍ପର୍କ ⚖️ ସଉଦା

      

ଜୀବନ ହାଟରେ

             କିଛି ସମ୍ପର୍କ ସଉଦା 

ମୁଁ ଦେଖି ପରଖି 

         ଦରଦାମ କରୁଥିଲି

ନିଜ ଲୋକ ଶସ୍ତା

            ପର ଏଠି ମହଙ୍ଗା

କିଣୁକିଣୁ ସେସଵୁ 

          ସବୁକିଛି ବୁଝିଗଲି ।

ମୂଲଚାଲ କରି 

            ଦରଦାମ କରିବା

ମୋ ପାଇଁ ନଥିଲା

            ସହଜିଆ କାମ ଭାରି

ସେଥିପାଇଁ ବୋଧେ

 ଅକାରଣେ ଅନାବନା ଭାବି ପୁଳାଏ 

       ଘାଣ୍ଟି ଚକଟି ମୁଁ ହେଲି ।

କଉଡି ମୋ ସରିଲା

         କନା ଵ୍ଯାଗ ଅଧା ଥିଲା

ହାଟ ସରିବା ଆଗରୁ 

            ଘରକୁ ମୁଁ ଫେରିଆସିଲି ।

ଘରଵାରଣ୍ଡାରେ

        ଭଙ୍ଗା ଚୌକି ରେ ବସି

ଚିରା ବ୍ଯାଗଦେଖି 

         ଖାଲି ମନସ୍ତାପ କରୁଥିଲି ।