ମାୟାବିନୀ
ମାୟାବିନୀ
ତୋ ଭଲ ପାଇବା କରିଦେଲା ଅନ୍ଧ
ତୋ ପଛେ ଧାଇଁଲି ମୁଁ
ବୁଝି ପାରିଲିନି ଥିଲା ତ ଛଳନା
ମୋ ସାଥେ ଖେଳିଲୁ ତୁ ।
କପଟର ପଶା ପାଲି ଖେଳୁଥିଲୁ
ନାଚି ଚାଲିଥିଲି ମୁଁ
ମୋର ସରଳତା ବିଶ୍ୱାସକୁ ନେଇ
ଖେଳି ଚାଲିଥିଲୁ ତୁ ।
ତୋ ଦୁଃଖ କାହାଣୀ ସତ ଭାବି ନେଲି
ସାହାରା ଦେବାକୁ ହାତ ବଢେଇଲି
ତୋ ସାଥି ସାଜିଲି ମୁଁ
ଏଡେ ଧୋକାବାଜ୍ ତୁ ।
ମୋ ଦୁନିଆରେ ଭଲରେ ମୁଁ ଥିଲି
କାହିଁକି ଆସିଲୁ ତୁ
ଛଳନା ଜାଲରେ ଫସେଇ ଦେଲୁ ତୁ
ବଳି ପଡିଗଲି ମୁଁ ।
ଟିକିଏ ହସ ମୋ ଓଠେ ଆଣି ଦେଇ
ଲୁହ ଭରି ଦେଲୁ ତୁ
ତୋ ପାଇଁ ଆଜି ଏଇ ଦୁନିଆରେ
କାହାର ହେଲିନି ମୁଁ ।
ନିଜଠୁ ଅଧିକ ଭଲ ପାଉଥିଲି
ଛାଇ ପରି ତୋର ସାଥେ ରହିଥିଲି
ହସୁଥିଲି କେତେ ମୁଁ ।
ମୋ ସାଥେ ଖେଳିଲୁ ତୁ ।
ବିଶ୍ବାସରେ ମୋର ବିଷ ଭରି ଦେଲୁ
କେମିତି ସହିଲା ଦେହ
ତୋ ଓଠରେ ହସ ଭରିଦେଇ ଗଲି
ମୋ ଆଖିରେ ଦେଲୁ ଲୁହ ।
ଏଡେ ମାୟାବିନୀ ଏଡିକି କପଟୀ
କପଟେ ମାରିଲୁ ମୋତେ
ଏ ଦୁନିଆ ଆଜି ପାଗଳ କହୁଛି
ବିଦ୍ରୁପ କରୁଛି କେତେ ।
ମିଛରେ ସାଜିଲୁ ତୁ ମୋର ପ୍ରେମିକା
ପ୍ରେମିକକୁ ପାଇ ଦେଲୁ ମୋତେ ଧୋକା
ବଞ୍ଚି ପାରିବିନି ସତେ ମୁଁ ।
ଏଡେ ମାୟାବିନୀ ତୁ ।
ତୋ ମାୟାରେ ଆଜି ବାୟା ହେଇ ମୁଁ
ନିଜକୁ ତଉଲୁ ଅଛି
କାହିଁକି କେମିତି ଭଲ ମୁଁ ପାଇଲି
ନିଜେ ଧିକ୍କାର କରୁଛି ।
ଭଲ ପାଇବାର ଭଲ ଅଭିନୟ
ମୋ ସାଥେ କରିଲୁ ତୁ
ତୋ ପାଇଁ ଆଜି ମଶାଣୀ ଜୁଇରେ
ସପନ ଦେଖୁଛି ମୁଁ ।
ଚଲାପଥେ ମୋର କଣ୍ଟା ବିଛାଇଲୁ
ସବୁ ସୁଖ ମୋର ଛଡାଇ ତୁ ନେଲୁ
କାନ୍ଦି ହସେ ଆଜି ମୁଁ
ଏଡେ ମାୟାବିନୀ ତୁ ।