Library
ନେତାଙ୍କର ନେତା ନେତାଜୀ
ନେତାଙ୍କର ନେତା ନେତାଜୀ
ନେତାଙ୍କର ନେତା ନେତାଜୀ ଥିଲେଟି
ଥିଲେ ଦେଶ ଭବିଷ୍ୟତ
ଡରି ସେ ନ ଥିଲେ ରଂରେଜ ଶାସନ
କରିଥିଲେ କବଳିତ ।
ଜୀବନକୁ ବାଜି ଚଢେଇ କର୍ତ୍ତବ୍ୟେ
ଥିଲେ ସେ ସଂଗ୍ରାମରତ
କେଲେଜ ସ୍ତରରେ କେତେ ସେ ନିର୍ଭୀକ
ବ୍ରିଟିଶ ଦେଖି ଚକିତ ।
ଥରିଲା ଇଂରେଜ ସୁଭାଷ ବୋଷଙ୍କୁ
ହେଇଗଲା ଭୟଭୀତ
ୟାକୁ ନ ମାରିଲେ ଅଧୀନ ହେବନି
କେବେବି ଏଇ ଭାରତ ।
କେମିତି ମାରିବେ ଧରି ପାରିଲେନି
ହେଇଗଲେ ସ୍ତମ୍ଭୀଭୂତ
ଚାଲାକି କୌଶଳେ ଖସି ପଳାଇଲେ
ଇଂରେଜ ହେଲେ ଚିନ୍ତିତ ।
ଜର୍ମାନୀ ଦେଶରେ ହୋଇଲେ ପ୍ରବେଶ
ସାହାଯ୍ୟ କଲେ ତ୍ବରିତ
ଆଜାଦ୍ ହିନ୍ଦ ଫୌଜ ଗଠନ କରିଲେ
ଫେରିଲେ ସିଏ ଭାରତ ।
ରକ୍ତ ଦିଅ ମୋତେ ଦେବି ମୁଁ ସ୍ବାଧୀନ
ହୁଅ ନାହିଁ ଭୟଭୀତ
ଦିଲ୍ଲୀ ଚଲୋ ଏବେ ଡାକରା ସେ ଦେଲେ
ରଖିବା ମାତା ମହତ ।
ହଟାଇ ଦେବା ଏ ବ୍ରିଟିଶ୍ ଶାସନ
ମିଳାଅ ମୋ ହାତେ ହାତ
ଛନକା ପଶିଲା ଇଂରେଜ ଛାତିରେ
ରହିଲେ ହେଇ ବିସ୍ମିତ ।
ମନରେ ଭୟଟି ପଶି ଗଲା ତାଙ୍କ
ହେଲେ ସିଏ ଆତଙ୍କିତ
କହିଲେ ନେତାଜୀ ହଟିବ ଇଂରେଜ
ହେବ ନିଶ୍ଚେ ପରାଜିତ ।
ସେଇ ଆଶା ତାଙ୍କ ଆଶାରେ ରହିଲା
ନା ସଂଗ୍ରାମେ ଉପସ୍ତିତ
ନିଆଁ ଲଗିବାରୁ ଉଡା ଜାହଜଟି
ହେଇଗଲା ଭସ୍ମୀଭୂତ ।
ତା ଭିତରେ ଥିଲେ ନେତାଜୀ ଆମର
ହେଇଛି ଆଜି ଅତୀତ
ଚିର ଆମର ସେ ହେଇ ରହିଛନ୍ତି
ଏବେ ଆମ ହୃଦଗତ ।
ଜାନୁଆରୀ ତେଇଶି ଜନ୍ମ ଦିନ ତାର
ପାଳନ କରେ ଭାରତ
ତାଙ୍କ ଯଶ କୀର୍ତ୍ତି ଝୁରୁଛି ଭାରତ
ପାଦେ କୋଟି ପ୍ରଣିପାତ ।।
