ସେତୁ
ସେତୁ
ସମ୍ପର୍କର ସେତୁ ମଜବୁତ୍ ଥିଲେ
ଭାଙ୍ଗି ପାରନ୍ତି ନି କେହି
ଯେତେ ଷଡଯନ୍ତ୍ର ଚକ୍ରାନ୍ତ କରନ୍ତୁ
ହାରି ଯାଇଥାନ୍ତି ସେହି ।
ସେହି ଅପମାନ ସହି ସେ ନ ପାରି
ଚଲାନ୍ତି ଛଳନା ଜାଲ
ସେ ଛଳନା ଜାଲ ପଡଇ ମହଙ୍ଗା
କାମ ଦିଏନି ସେ ଚାଲ୍ ।
ବିଶ୍ବାସର ସେତୁ ମଜବୁତ୍ ଥିଲେ
ଅବିଶ୍ବାସ ପ୍ରଶ୍ନ କାହିଁ
ହୃଦୟ ସେଇଠି ହୃଦୟରୁ ଚିହ୍ନେ
ସନ୍ଦେହ ତ ଛୁଏଁ ନାହିଁ ।
ସ୍ନେହର ସେତୁଟା ମଜବୁତ୍ ଥିଲେ
ଲୋଭ କରେ ନାହିଁ ଗ୍ରାସ
କପଟ ଭାବନା ମନରେ ନ ଥିଲେ
ସମ୍ପର୍କ ହୁଏନା ଶେଷ ।
ମନୋବଳ ସେତୁ ଦୃଢ ରହି ଥିଲେ
ଲକ୍ଷ୍ୟ ବିଚ୍ୟୁତି ହୁଏନା
ଲୋଭ ଲାଳସାର ପଡେ ନାହିଁ କେବେ
ବିକ୍ରି ହେଇ ସେ ପାରେନା ।
ଆତ୍ମ ବିଶ୍ୱାସର ସେତୁର ଦୃଢତା
ଜୀବନେ ଆଣେ ଉନ୍ନତି
ଯେତେ ବାଧା ପ୍ରତିବନ୍ଧକ ଆସୁ ସେ
ହେଇଥାଏ ଅଗ୍ରଗତି ।
ପାରିବା ପଣର ସେତୁ ମଜବୁତ୍
ହାରିବା ଶିଖାଏ ନାହିଁ
ଏକତାର ସେତୁ ହେଲେ ମଜବୁତ୍
ତିଷ୍ଠି ରହେ ଏଇ ମହୀ ।