Library
ବିଶ୍ବ ସଂସ୍କୃତିରେ ପାଲା
ବିଶ୍ବ ସଂସ୍କୃତିରେ ପାଲା
ଓଡିଆ ସଂସ୍କୃତି ପୁରାଣର ପୋଥି
ଜ୍ଞାନର ଭଣ୍ଡାରଟିଏ
ତାହାରି ପାଖରେ ବିଶ୍ବ ବ୍ରହ୍ମାଣ୍ଡର
ଠିକଣାଟି ରହିଥାଏ ।
ପାଲାର ଭିତରେ ଅଗାଧ୍ୟ ପାଣ୍ତିତ୍ୟ
ଦେଖେ ଯିଏ ଜାଣି ଥାଏ
ତର୍କ ବିତର୍କ ବି ଲାଗି ଥାଏ ସେଠି
ସତ୍ୟତା ତତ୍ତ୍ଵ ଦର୍ଶାଏ ।
ବାଦି ପାଲା ହୁଏ ଯୋଉଠି ସେଇଠି
ଜ୍ଞାନ ବେଶୀ ବଢି ଥାଏ
ଦୁଇ ଗାୟକଙ୍କ ପ୍ରଶ୍ନୋତ୍ତର ଭାବ
ଦ୍ବନ୍ଦକୁ ଦୂରେଇ ଦିଏ ।
ଅନେକ ଅଜଣା କଥା ଜାଣି ହୁଏ
ଜ୍ଞାନ କେତେ ମିଳି ଥାଏ
ପାଲା ଦେହେ ଭରା କେତେ ଗୁଢ ଜ୍ଞାନ
ଅମାପ ସାଗର ସିଏ ।
ରେଡିଓ ଓ ଟିଭି କିମ୍ବା ଗ୍ରାମାଞ୍ଚଳେ
ପାଲାର ମହତ୍ତ୍ଵ ଥାଏ
କିଏ ବସି ଦେଖେ କିଏ ଅବା ଶୁଣେ
ପ୍ରଶ୍ନ ବି ପଚାରି ନିଏ ।
ସଂସ୍କାର ସଂସ୍କୃତି ପରମ୍ପରା ନୀତି
ନିୟମ ବଖାଣେ ସିଏ
ପାଲାର ଭିତରୁ ଅନେକ ଅଜଣା
ତଥ୍ୟ ପୁଣି ଜାଣି ହୁଏ ।
ଅଜ୍ଞାନ ତିମିର ନାଶ କରେ ସିଏ
ଜ୍ଞାନର ଭଣ୍ଡାର ଦିଏ
ସବୁରି ହୃଦୟେ ଜ୍ଞାନର ଆଲୋକ
କ୍ଷିଣକରେ ଭରେ ସିଏ ।
ଫିଲ୍ମି, ନାଚ ,ଧାରାବାହିକକୁ ଦେଖେ
ପାଲାକୁ ପଚାରେ କିଏ
ହେଲେ ପାଲା ବିନା ଅଧୁରାଟି ଜ୍ଞାନ
ଏକଥା ଭୁଲୁଛି ସିଏ ।
ବିଶ୍ବ ଦରବାରେ ବିଶ୍ବ ସଂସ୍କୃତିରେ
ପାଲାଟି ଚର୍ଚ୍ଚାରେ ଥାଏ
ଅଗାଧ ଅମାପ ଜ୍ଞାନର ଭଣ୍ଡାର
ତା ତୁଳନା ହେବ କିଏ ?
