ଚାରିଧାମ

        -ମହୋତ୍ସବ-

ଜନମ କାଳରେ ମହୋତ୍ସବ ମୋର

   ଏକୋଇଶା ନାମେ ହେଲା

ପୁଣି ବ୍ରତଘର କିଶୋର ବୟସେ

   ମହୋତ୍ସବ ହୋଇଥିଲା

   ଯୁବକେ ବିବାହ ହେଲା

ମରିବା କାଳରେ ଶେଷ ମହୋତ୍ସବ

   ପାଳନ ଦେଖି ନ ହେଲା।

         

     -ନୀଳ ଶଇଳ-

ନୀଳ ସଇଳରେ ବସିଅଛି ଯିଏ

   ହାତ ନାହିଁ ଗୋଡ଼ ନାହିଁ

କାନ ନାହିଁ ମୋଟେ କିନ୍ତୁ ତାଙ୍କ ପାଖେ

   ସବୁକିଛି ଜଣା ଥାଇ

   ଷାଠିଏ ପଉଟି ଖାଇ

ଜଗତର ସବୁ ଭଲ ଆଉ ମନ୍ଦ

   ବୁଝିବାକୁ ବୁଲୁଥାଇ।

        

      -ଚାରିଧାମ-

ବୁଲି ଯାଇଥିଲି ଚାରିଗୋଟି ଧାମ

  ପୁରୀ ବୃନ୍ଦାବନ ଦ୍ବାରକା

ବଦ୍ରିକାକୁ ଯାଇ ଦେଖିଲି ନିଜକୁ

  ସବୁ ତ ନିର୍ଜୀବ ଭେଳିକା

  ସୌନ୍ଦର୍ଯ୍ଯକୁ ଦେଖି ଜଳକା

ମାରି ନେଲା ସିନା ସ୍ବର୍ଗଠାରୁ ଉଚ୍ଚ

 କେ'ହେବ ବାପାମାଆ ପରିକା?

         

       -ମଣିଷ-

ମଦ ନ ଖାଇଲା ଯିଏ ଏ ସଂସାରେ

   ମଣିଷରେ ସେ କି' ଗଣା

ଦାଣ୍ଡରେ ହାଟରେ ଯଦି ନ ପଡି଼କି

   ଘରେ ନ କରେ ବାଜଣା

   ମଣିଷ ଭିତରେ ରଣା

ପୋଡି଼ଯାଉ ତାଙ୍କ ଯିଏ ନ ଖାଇକି

   ହୁଏନି ସେ କାଳେ ବଣା।