ଆକାଶେ କି ରଙ୍ଗ ଲାଗିଲା

ଆକାଶେ କି ରଙ୍ଗ ଲାଗିଲା ସତରେ 

   ମନଟି ଚହଲି ଗଲା

ନୀଳ ଆକାଶର ନୀଳିମା ରଙ୍ଗରେ

   ଦେହଟି ରଙ୍ଗେଇ ଦେଲା ।

ନୀଳ ଶାଢୀ ତାର ଦେହେ ପିନ୍ଧାଇଲା

   ନୀଳ ଆଖି ହେଇଗଲା

ନୀଳ ପାରାବାର ନୀଳ ଢେଉ ତାର

   ନୀଳିମାରେ ହଜି ଗଲା ।

ନୀଳ ଆକାଶର ଭସା ବାଦଲରେ

    ନାଆଁ ତାର ଲେଖି ଦେଲା

ନୀଳ କାଳିମାରେ ନୀଳ ଲଫାପାରେ

   ମନଟି ଚୋରାଇ ନେଲା ।

ନୀଳ ଆକାଶର ନୀଳ ପକ୍ଷୀ ତାର 

    ଡେଣା ଝାଡି ଉଡୁ ଥିଲା

ନୀଳ ପର ଝାଡି ଭଲ ପାଇବାର 

   ବାରତାଟି ଦେଇଗଲା ।

ନୀଳ ଅକ୍ଷରରେ ପ୍ରେମର ସଙ୍ଗୀତ

   ମୂର୍ଚ୍ଛନାଟି ହେଉଥିଲା

ନୀଳ ଆକାଶର ବକ୍ଷ ଦେଶେ ତାର

   ରୂପଟି ତା ଆଙ୍କି ଦେଲା ।

ନିରିମଳ ସେଇ ନୀଳ ଆକାଶଟି

    ନୀଳମୟ ହୋଇଗଲା

ନୀଳିମା ରଙ୍ଗରେ ନିଜକୁ ସଜେଇ

   ପ୍ରେମ ତା ବରଷି ଦେଲା ।

ନୀଳ ରଙ୍ଗେ ତନୁ ମନ ହରି ନେଲା

    ସଭିଁଙ୍କି ପାଗଳ କଲା

ଆକାଶେ କି ରଙ୍ଗ ଲାଗିଲା ସତରେ

    ଦୁନିଆ ବଦଳି ଗଲା ।।