ମାତୃଭାଷା
ମାତୃଭାଷା
ମିଠା ଠୁଁ ମଧୁର ରୂପରେ ସୁନ୍ଦର
ଆମ ଉତ୍କଳର ଭାଷା
ଓଡ଼ିଆ ନାମରେ ବିଶ୍ଵ ବିଖ୍ୟାତ ସେ
ଧନ୍ୟ ଏ ମାଟି ଓଡ଼ିଶା ।
କେତେ ବୀର ପୁତ୍ର ମାତୃଭାଷା ପାଇଁ
ମାଟିରେ ଗଲେଣି ମିଶି
ରାଧାନାଥ ରାୟ ଫକୀରମୋହନ
କେତେ କାବ୍ୟ ଗଲେ ରଚି ।
ଆମ୍ଭେ ସକଳ ଯେ ତାଙ୍କରି ଦାୟାଦ
ତାଙ୍କ ଆଦର୍ଶରେ ଗଢା
ଓଡ଼ିଆ ଭାଷାର ଜୟ ଗାନ କରି
ପ୍ରାଚିର କରିବା ଛିଡ଼ା ।
ଆମ ମାଟିପରେ ବିଦେଶୀ ଭାଷାକୁ
କରିବା କଡ଼ା ବିରୋଧ
ଓଡ଼ିଆ ଭାଷା ରେ ପାଠ ପଢି ଆମେ
ଗଢ଼ିବା ଏକତା ସୌଧ ।
ପ୍ରାଥମିକ ଶିକ୍ଷା ଆରମ୍ଭ କରିବା
ଓଡ଼ିଆ ଭାଷାରେ ପୁଣି
ନୈତିକ ଚେତନା ଉନ୍ନତ କରିବା
ଶିଶୁ ମନ ଆମେ ଜାଣି ।
ଆଜି ଆମ ଶିଶୁ କାଲି ନାଗରିକ
ଏ ଦେଶେ ସାଜିବ ବୀର
ମାତୃଭାଷା ମାତୃଭୂମି ର ସେବାରେ
ରହୁ ମନ ନିରନ୍ତର ।