ଜନ୍ମଦିନ

ଜନନୀ ଜଠରୁ ପ୍ରଥମ ଛୁଆଁ

ପ୍ରକାଶର ଦିଵ୍ୟ ଆଭା 

ପ୍ରକୃତି କୋଳକୁ ଲେଉଟିବା ପାଇଁ

ମିଳିଲା ଗୋଟେ ରାହା ।

ଆଜିର ଦିନଟି, ଆଜିର ଦିନଟି

ଲେଖିଲା କେତେ କାହାଣୀ

କୋରା କାଗଜର ପ୍ରଥମ ଆକ୍ଷର

କିଛି ଆତ୍ମିୟତାର ଚାହାଣି ।

କୁନିକୁନି ହାତ କୁନିକୁନି ଆଖି

ପୂର୍ଣ୍ଣଚନ୍ଦ୍ରର ପ୍ରକାଶ

ଜେଜମା ଆଖିର ଅଲିଭା ଜ୍ୟୋତି

ଥିଲା ଆଶାର ଏକ ଝଲକ 

ଖୁସିର ଲହରୀ ଉତ୍ସବ ଲଗନ

ପ୍ରଥମ ସନ୍ତାନ କୂଳର ପ୍ରଦୀପ

ଜୀବନର ପଥେ ମରମେ ମରମେ

ଦିଶେ ସେ ମମତାର ଛାପ ।

ସରଗ ପୁରୀର ଆନନ୍ଦ ସମ

ବିତିଲା ସେ ପିଲାଦିନ 

ଉତ୍ଥାନ ପତନ ଜୀବନ ପଥେ

କେତେ ମାନ ସନମାନ ।

ନଦୀ ସାଗରରେ ମିଶିବା ଆଶା

ରହିଗଲା ଅଧୁରା

ଅମାନିଆ ହୃଦ ପୂର୍ଣ୍ଣତା ଆଶାରେ

ଖୋଜୁଛି ତୁମ ଠିକଣା ।