ଅକୁହା ମନର କଥା ଆଉ ବେଦନାର ଗାଥା

ମନେ ମନେ ମୁହିଁ ଜଳି ଯାଉଅଛି

       କହି ପାରୁନି ମୋ ମନର କଥା

ସର୍ବଦା ମନରେ ଉଙ୍କି ମରୁଅଛି

       ଦେଉଛି ସେ ମୋତେ ଅନେକ ବ୍ୟଥା।

କେମିତି କହିବି କିପରି କହିବି

         ସର୍ବଦା ଘାରୁଛି ମନକୁ ମୋର

 ବେଦନା ପଛକେ ଦେଉ ଅନେକ

         ଏ କଥାଟା ପରା ନୁହେଁ ଇତର।

ହୃଦୟ ଘାରୁଛି ମନ ବି ଘାରୁଛି  

        ଭାବୁଛି ସର୍ବଦା କିବା କରିବି

ମନର କଥାକୁ ମନରେ ରଖୁଛି

          ଏକଥାକୁ କଣ ଭୁଲି ପାରିବି।

ହୃଦୟେ ହେଉଛି ଅନେକ ଯନ୍ତ୍ରଣା

         ତଥାପି ସହୁଛି ମନ ମଧ୍ୟରେ

  ଈଶ୍ୱରଙ୍କ ଠାରେ ଏତିକି ପ୍ରାର୍ଥନା

          ଏପରି ନକର କାହା ପାଖରେ।