ମାତା ବ୍ରହ୍ମଚାରିଣୀ (ଧବଳବର୍ଣ୍ଣା)
ମାତା ବ୍ରହ୍ମଚାରିଣୀ (ଧବଳବର୍ଣ୍ଣା)
ଦ୍ଵିତୀୟ ଦିବସେ ଆସେ ନବ ରାତ୍ର
ଦୁର୍ଗାଙ୍କ ଧବଳ ରଙ୍ଗ
ମା' ବ୍ରହ୍ମଚାରିଣୀ ଶୋଭା ପାଉଥାନ୍ତି
ସାଜ୍ଜରେ ବିଭିନ୍ନ ଢଙ୍ଗ ।
ଡାହାଣ ହସ୍ତରେ ରୁଦ୍ରାକ୍ଷର ମାଳ
ବାମ ହସ୍ତେ ଗଡୁ ଧରି
ତପସ୍ୟାରେ ମାତା ଗୁମ୍ଫାରେ ନିମଗ୍ନ
ଏକାଗ୍ର ମନରେ ଧରି ।
ଧରିଥିଲେ ମାତ ସେ ବ୍ରହ୍ମଚାରିଣୀ
ଶିବଙ୍କୁ ଫେରିବା ପାଇଁ
ତପସ୍ୟାରେ ମାତ ପାର୍ବତୀ ରହିଲେ
ଶଙ୍କର ଆସିଲେ ଧାଇଁ ।
ନାରୀ ଭକ୍ତ ଗଣ ପୂଜା ମଣ୍ଡପରେ
ଧବଳ ବସ୍ତ୍ରେ ଗହଳ
ପୂଜା ଅର୍ଘ୍ୟ ଥାଳି ମିଠା ଫଳ ସଙ୍ଗେ
ଧରି ଧବଳ କମଳ ।
ଶାନ୍ତି ମୈତ୍ରୀ ମୁକ୍ତି ଅବଶ୍ୟ ମିଳିବ
ଭକ୍ତିରେ କରିଲେ ଧ୍ୟାନ
ଧବଳ ଅଟଇ ଶୁଦ୍ଧତା ପ୍ରତୀକ
ଆସିବନି ବାଧାବିଘ୍ନ ।
ଧନ୍ୟ ଧନ୍ୟ ମାତା ଦ୍ଵିତୀୟ ଦିବସେ
ବ୍ରହ୍ମଚାରିଣୀର ବେଶ
ଧରେ ଆବିର୍ଭାବ ଦୁଷ୍ଟକୁ ବିନାଶ
ରଖନ୍ତୁ ସର୍ବେ ହରଷ ।