ମାନବ ଏକତାର ଗାନ
ମାନବ ଏକତାର ଗାନ
ଦେଖୁଅଛେ ଆମେ ବର୍ଷା ପାଣି ପବନ
ଭୂମି ଓ ଗଗନ
ସଦା ଗିରି କାନନ ନଦୀ ବନ ରାତି
ଜହ୍ନ ଓ ଦିନ |୧|
ସୂର୍ଯ୍ୟ ଚନ୍ଦ୍ର ବେନି ଦେଖୁ ଅଛନ୍ତି ସଦା
ସର୍ବଦା ଦିବାନିଶି
ବ୍ରହ୍ମାଣ୍ଡ ଘଟଣା ସରବକୁ ଜାଣୁଛନ୍ତି
ଏଇ ଆକାଶେ ବସି l୨l
ପଶୁ କୀଟ ପତଙ୍ଗ ଗୁଳ୍ମ ଗଛଲତା
ଦେଖେ ବହୁ ପ୍ରକାର
ମନୁଷ୍ୟ ସହ ବହୁ ପ୍ରାଣୀ ରହୁ ଅଛନ୍ତି
ଏ ସୃଷ୍ଟି ମଧ୍ୟର |୩|
ବିଶ୍ୱାସ ଓ ନିଶ୍ୱାସକୁ ସାଥି କରି ସରବେ
ପ୍ରାଣ ଧରି ବଞ୍ଚିଛନ୍ତି
ସମସ୍ତଙ୍କର ନିଜ ନିଜ ବୁଦ୍ଧି ବିବେକକୁ
ନେଇ ରହି ଅଛନ୍ତି |୪|
ଜଣେ କିଏ ନିର୍ଦ୍ଦେଶକ ଅଛନ୍ତି କି ନାହିଁ
କିଏ ତ ଦେଖି ନାହିଁ
ଜନମି ଅଛେ ସରବେ ସଂସାରର ଏହି
ରଙ୍ଗମଞ୍ଚ ପାଇଁ |୫|
ସରବ ପ୍ରାଣୀ ତ ଏଇ ସଂସାର ମଧ୍ୟରେ
କାମନା ବାସନାଗ୍ରସ୍ତ
ଆପଣା ସ୍ୱଭାବର ଅଧୀନ ଅଟନ୍ତି ସମସ୍ତ
ପ୍ରାଣୀ ଜଗତ l୬l
ସମସ୍ତ ପ୍ରାଣୀଂକର ରହି ଅଛି ଦେହ
ମନ ଓ ସପନ
ହୁଅନ୍ତି ସରବେ ଖରାରେ ଘର୍ମାକ୍ତ
ଶୀତରେ କମ୍ପନ |୭|
ମଣିଷ ସମାଜ ନିଜର ବୁଦ୍ଧି ଆଶା
ଓ ଆକାଂକ୍ଷା ଦ୍ୱାରା
ନୂତନ ତଥ୍ୟ ସଂଗ୍ରହ ପାଇ ହୁଅନ୍ତି
ବାର୍ତ୍ତାବହ ବିଜ୍ଞାନର ଧାରା |୮|
ଆମେ ଜାଣିନେ ଅନ୍ୟ କୌଣସି ପ୍ରାଣୀ
ର ଅଛି କେତେ ମହତ୍ତ୍ୱ
କିନ୍ତୁ ମନୁଷ୍ୟ ନିଜେ ନିଜକୁ ସମସ୍ତଂକ
ଠାରୁ ମଣେ ଶ୍ରେଷ୍ଠତ୍ୱ |୯|
ଜ୍ଞାନ ବିଜ୍ଞାନ ଯୋଗ ଶାସ୍ତ୍ର ଓ ଜ୍ଞାନର
ଉଦାର ଭକ୍ତି ମତେ
ଏକାଗ୍ରେ କର୍ମ କର୍ତ୍ତବ୍ୟ ଲକ୍ଷ୍ୟେ ଯିଏ
ସମର୍ପିତ ମହାନ ସମସ୍ତେ |୧୦|
ସତ୍ୟକୁ ଆହୁତି ଦେଲେ ମଣିଷ ସମାଜ
ସ୍ୱାର୍ଥର ଯଜ୍ଞରେ
ଖଣ୍ଡ ବିଖଣ୍ଡିତ ହେଉନି କି ଶ୍ରେଷ୍ଠତ୍ୱ
ମନୁଷ୍ୟର ବିଷାକ୍ତତାରେ |୧୧|
ଚତୁର୍ଦ୍ଦିଗେ ଶୁଭେ ଆଜି ସର୍ଜନା ପରିବର୍ତ୍ତେ
ଧ୍ୱଂସର ଆହ୍ୱାନ
ସତରେ କି ମାନବିକତାର ଗୌରବ ଗରିମା
ହେଉନି କି ଭଗ୍ନ |୧୨|
ଆହ୍ୱାନ ହେଉ ଆମର ଆନ୍ତର୍ଜାତୀୟ ମାନବ
ଏକତା ଦିବସରେ
ସଜାଡିବା ମନୁଷ୍ୟତାର ଅବ୍ୟବସ୍ଥାର ବ୍ୟଥା
ଏକତା ବଳରେ |୧୩|
ସବୁ ମଣିଷକୁ ସମାନ ଭାବି ଜାତି ଲିଙ୍ଗ
ଭେଦ ଦେବା ଦୂରେଇ
ଅସମାନତା ଓ ଦାରିଦ୍ର୍ୟକୁ କରିବା ଦୂର
ଏକତା ମନ୍ତ୍ରେ ବାନ୍ଧି ହୋଇ |୧୪|
ଜନ୍ମ ଜନ୍ମାନ୍ତରକୁ କଲେ ଅବଲୋକନ
ଏ ପଥ ପ୍ରଗତିର ପ୍ରୋତ୍ସାହନ
ବିକାଶ ପଥେ ହୋଇ ଅଗ୍ରସର ବିଶ୍ୱର
କରିବା କଲ୍ୟାଣ ସାଧନ |୧୫|