ମାମୁଁ ନାହିଁ ଯାହାର
ମାମୁଁ ନାହିଁ ଯାହାର
ଆକାଶରେ ଜହ୍ନ ଆଉ ତାରା
ଅନ୍ଧାର ରାତିରେ ଆଲୁଅର ଉତ୍ସ
ଅଝଟ ପିଲାଙ୍କୁ ବୁଝାଇବା ପାଇଁ
ମା କହେ ଏଇ ଦେଖ ଜହ୍ନ ମାମୁଁ
ତାରା ମେଳରେ ଖେଳ ଆଉ ସାଙ୍ଗ l
କୋଳରେ ଧରି ଅଝଟିଆ କୁନି କୁନି ଛୁଆ
ମା କହଇ ଜହ୍ନ ମାମୁଁ ଆ ଖେଳିବୁ ଆ !!
ମା କଥାରେ ତୁହାକୁ ତୁହା ଜହ୍ନ ମାମୁଁ କୁ ଦେଖି
ହାତ ଠାରି ଡାକେ ଓ ଡାକେ ସତେ କି ମନଲାଖି!!
ଜହ୍ନ ମାମୁଁ ସବୁରି ପ୍ରିୟ ନାହିଁ ଆପଣା ପର
ସାନ ରୁ ବଢ଼ି ବଡ ହୁଏ ପୂର୍ଣ୍ଣିମା ରାତିର
କଥା ବୁଝୁଥିବା ପିଲା ମାନଙ୍କୁ ମା କହଇ ଗପ
ବାଘ କୁ ମାମୁଁ କହି ଆରମ୍ଭ ହୁଏ ଗପ
ବାଘ ମାମୁଁ ରାଜା ଏବେ ଜଙ୍ଗଲ ଭିତରେ
ରାଗି ଗଲେ ରଡ଼ି ଛାଡେ ବହୁ ଜୋର୍ ରେ l
ସର୍କସରେ ବାଘ ମାମୁଁ ଦେଖାଏ କେତେ ଖେଳ
ଚିଡ଼ିଆଖାନା ଭିତର ବାଘ ପିଲାଙ୍କୁ କୁତୁହଳ
ଜଙ୍ଗଲ ନଷ୍ଟ ପାଇଁ ବାଘ ସଂଖ୍ୟା କମିଲାଣି
ବାଘ ସଂଖ୍ୟା ବୃଦ୍ଧି ପାଇଁ ପଡ଼ିଛି ଭାଳେଣି
ଜହ୍ନ ମାମୁଁ ସଭିଙ୍କର ନାହିଁ ଆପଣା ପର
ବାଘ ମାମୁଁ ଅଟେ ଜାତୀୟ ପଶୁ ଆମର !!
ମାମୁଁ ନାହିଁ ଯାହାର
ଜହ୍ନ ଆଉ ବାଘ ମାମୁଁ ତାହାର !!