ଲକ୍ଷ୍ମଣ ରେଖା
ଲକ୍ଷ୍ମଣ ରେଖା
କାହିଁକି ଏମିତି କନ୍ଦେଇଲୁ ମୋତେ
ଆଖି ଲୁହ ଶୁଖୁ ନାହିଁ
ଭଲ ପାଇବାରେ ପ୍ରତାରଣା କଲୁ
ସତ କହ କାଇଁ ପାଇଁ ll1
ଜୀବନଠୁ ବଳି ଭଲ ପାଉଥିଲି
ପିଲାଟି ଦିନରୁ ତୋତେ
ସବୁ ରାଗ ଋଷା ସହୁ ଥିଲି ତୋର
ହତାସ କରିଲୁ ମୋତେ ll2
ଖେଳୁ ମୋ ସାଥିରେ ପଢୁ ମୋ ସାଥିରେ
ସାଥି ହୋଇ ଗପୁ ଥିଲୁ
ଦିନେ ନ ଦେଖିଲେ ପାଗିଳୀଙ୍କ ପରି
ମିଶିବାକୁ ଖୋଜୁଥିଲୁ ll3
ଅନା ବନା ଲତା ଗଛ ଗହଳରେ
ଲୁଚି 'ବହୂ ' ଖେଳୁଥିଲୁ
ଆଜି ମୋର ଛାତି ଫାଟି ଯାଏ ଦେଖି
ଆଉ କା'ର ବୋହୂ ହେଲୁ ll4
ଏତେ ସମ୍ପର୍କକୁ କେମିତି ଛିଡାଇ
କାଟି ଦେଇଗଲୁ ଗାର
ବିଚ୍ଛେଦର ସେହି ଲକ୍ଷ୍ମଣ ରେଖାଟା
ଲିଭୁନି ହୃଦୟୁ ମୋର ll5