Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prabhas Mohapatra

Inspirational Others

3  

Prabhas Mohapatra

Inspirational Others

ଲେଖନୀ

ଲେଖନୀ

1 min
332


ଜନମ ମୋହର ,ଲେଖିବା ପାଇଁକି

ଲେଖୁଛି ଲେଖିବି ସଦା ।

ଯେତେ ଦିନ ଥିବ,ଦେହରେ ରୁଧିର

କରିବି କାଗଜ ଓଦା ।।୧

କେବେ ଲେଖେ ମୁହିଁ, କା ପାଇଁ ଯେ ଚିଠି

ଲେଖଇ ପୁଣି କବିତା ।

କେବେ ଲେଖେ ସେହି,କାଗଜ ଉପରେ

ଦରଦୀ ବାପାର ବାର୍ତ୍ତା ।।୨

ଦେଶର ସୀମାରେ, ସ୍ୱାମୀ ବିରହରେ

ଲେଖିଛି ପତ୍ନୀର କଥା ।

ଲେଖି ଥିଲି ଦିନେ, ସେହି ମହାଜନେ

ହାତେ ଧରି ବନ୍ଦୀ କଥା ।।୩

ଲେଖିଛି କେତେ ଯେ, ସଂଗ୍ରାମ କାହାଣୀ

ଉତ୍ତପ୍ତ ରକତେ ମୋର ।

ସ୍ୱାଧୀନତା ପାଇଁ, ଝାରାଇଛି କେତେ

ଦେହରୁ ମୋର ରୁଧିର।।୪

ହେଲେବି ଥକିନି ,ଠକିବା ଜାଣିନି

କରୁଛି କରିବି କର୍ମ ।

ମାନବ ସେବା ଯେ, ମାଧବଙ୍କ ସେବା

ଜାଣିଛି ପ୍ରକୃତ ଧର୍ମ।।୫

କରିଛି ଶପଥ ,ପାଇଁ ଏ ଜଗତ

ଲେଖିବି ମୁଁ ସଭିଙ୍କର ।

ସେଦିନ ଛାଡ଼ିବି, କେଜାଣି ଜାଣିନି

ହେବି ଯେବେ ମୁହିଁ ମର ।।୬



Rate this content
Log in